曾俊華

曾俊華 眾籌疑被DDoS,統監府想點

曾俊華 喺林鄭月娥搞「分享會」造勢果日,除咗宣布麥齊光支持外,亦宣布啟動眾籌計劃。本來 fringebacker個server都幾頂得吓(做咗cdn果啲,要ddos隊冧,照正路唔容易),但fringebacker個server成朝早都勁繁忙,但實際上能捐到嘅,只有十九個人,九千幾蚊。

有可能係反應太熱烈,但我另有睇法,更可能係統監府(中聯辦)發動DDoS攻勢,阻人捐錢。

曾俊華 用眾籌證明真民意

呢場唔係普選, 曾俊華 大可唔駛旨意玩眾籌,但眾籌本身,其實至係最有公信力嘅民調。港大民調可以有漏洞,眾傳媒嘅social media分析,可以受到大量五毛假戶口干擾,但眾籌係真金白銀俾錢。 曾俊華 要用呢個方法,證明佢至係民意所歸。你睇林鄭月娥,完全行地產商路線,成個競選團隊都係地產商啲人,同 曾俊華 嘅團隊果種乾淨,係唔同嘅。

但如果利用眾籌證明 曾俊華 有真民意,就會完全打擊到中聯辦干預選舉嘅算盤,中聯辦應該控制到一定量嘅DDoS僵屍,上次都可以隊冧成報無cloudflare protection嘅nginx主機(nginx比apache可以頂得住ddoS好多),由於 曾俊華 個主機本身,係喺Cloudflare保護下,好難隊冧,所以呢次統監府係用fringebacker嘅oauth果部分入手,令大家無法開account或login入去。

呢個亦係我見facebook五毛account一定舉報嘅原因,五毛account除咗攞嚟講廢話,亦可以係用嚟DDoS你個oauth部分,呢啲招數,相信中聯辦班友係知。所以大家要睇清一件事實,五毛係一定要清理,絕對唔可以放過。

(大家明點解,我寧願眾籌用paypal或stripe,因為中聯辦呢啲賤招,我實在太明白)

發表迴響

你的電子郵件位址並不會被公開。 必要欄位標記為 *