陳文敏

唔俾 陳文敏 做首席副校長根本係政變

馬斐森中途跳槽到愛丁堡大學, 陳文敏 事件令人重提,如果當年嘅人事任命,唔係李腳掌、盧寵茂呢啲人渣玩嘢, 陳文敏 好大機會會係代任校長,甚至最終升為校長都唔奇。畢竟 陳文敏 係香港歷史上唯一獲榮譽資深大律師頭銜嘅人,絕對有料做港大校長有餘。

陳文敏 嘅位置戰略重要性,正正係當年一眾梁粉要做得咁難睇嘅原因,簡單嚟講,李腳掌、盧寵茂呢啲人,根本當時搞緊一場政變。而呢場政變上,香港人無用堅決手段趕李腳掌等人出香港大學,依家就後患無窮。

李腳掌趕走 陳文敏 嘅盤算

其實 陳文敏 能否做副校長一役,由政治鬥爭嘅角度,根本就係一場關鍵性政變。 陳文敏 本來嘅角度,係馬斐森意志嘅執行者,因為馬斐森係空降校長,始終需要一位長期喺港大,又能同佢合作嘅人,實際執行佢嘅主張,而 陳文敏 好明顯係果個人選。如果 陳文敏 嘅任命失敗,馬斐森無人可用,自然會無癮離開,屆時就可以達致同時踢走馬斐森,同阻止泛民相關人士主政港大嘅目標,所以亦係點解一眾梁粉,可以沒有最核突,只有更核突嘅情況下,都要打贏呢場仗嘅原因。簡單嚟講,果次係一次政變,唔單只搞掂咗 陳文敏 ,亦搞掂埋馬斐森。

所以 陳文敏 任命失敗後,馬斐森點解任由契丹班友亂嚟,因為佢根本係敗軍之將,不能言勇。所以佢同時同愛丁堡大學傾接任校長嘅問題,雖然人工同福利少咗好多,但講真,當薪酬高到某個水平,就只會係一個數字,特別對鬼佬尤其係,如果為咗堆數字,令自己陷入一個泥足深陷嘅政治漩渦中,咁不如唔好玩算喇,所以馬斐森算係好聰明。

事後睇番呢場仗,係香港大學歷史轉捩點,大家守得唔夠硬,一間有過百年歷史嘅大學,由始被當政者玩殘,睇嚟香港要獨立或歸英後,香港大學至可能恢復原有嘅風采,依家嘅情況係,只能靠本土派為主嘅學生會撐住。

發表迴響

你的電子郵件位址並不會被公開。 必要欄位標記為 *