團結香港基金

團結香港基金 唔該唔好咁偷偷摸摸

團結香港基金 個朵臭咗,大家都知,因為呢個基金係董建華搞,好多人見到 團結香港基金 嘅廣告就block咗佢,免得眼冤。當 團結香港基金 打正旗號會引嚟反感後,就搞新嘢呃人。而思考香港係我最近見到,頻頻打廣告嘅網媒,只不過由於果陣土共味太重,所以引起我嘅注意,要查一查呢間嘢係邊個做,做啲土共無頭網媒好似時聞香港咁,定係土共另一啲新分店。

思考香港故意隱暪係 團結香港基金 項目

思考香港嘅facebook 係先令我留意,我查思考香港個page嘅about果陣,完全無話呢檔嘢係邊啲人搞,完全係一個無頭項目,但呢個無頭項目,係有網站嘅,所以我睇佢網站。

團結香港基金
團結香港基金

但連佢個網站嘅 about ,都無講思考香港係邊啲人搞,完全似一個係石頭爆出嚟嘅新網媒咁。

團結香港基金
團結香港基金

只不過,一睇 whois 紀錄,就睇到係 團結香港基金 ,董建華果個基金會

團結香港基金
團結香港基金

呢種手法,係典型土共偷偷摸摸手法,同時聞香港根本係源出一轍,令人感到極其厭惡。唔該下次,擺明車馬寫明係 團結香港基金 旗下項目,等facebook讀者可以選擇block咗呢啲垃圾。(劉迺強同時係思考香港嘅作者,果然痴痴呆呆坐埋一檯)

但可以肯定係,梁系-董系人馬為咗成功令林鄭月娥上台,呢種偷偷摸摸搞嘅網媒,會繼續係咁放廣告,真係要逐個篤爆,非常之具厭惡性。特別大家睇到連 團結香港基金 項目都有劉迺強份果陣,呢種劉迺強風格嘅玩法,會繼續存在,呢個禮拜,我會篤爆埋周融風格嘅一啲假facebook page,又係好乞人憎,好厭烏蠅咁。

發表迴響

你的電子郵件位址並不會被公開。 必要欄位標記為 *