曾俊華-還拖

曾俊華 對林鄭月娥嘅蕉皮還拖

曾俊華 喺政府忍氣吞聲,敢怒但不可言,如今特首選舉,有人唔識趣,放完蕉皮玩人都要嘴藐藐,結果就係 曾俊華 親自還拖。林鄭月娥喺now新聞台話, 曾俊華 唔答被入稟DQ嘅國會議員提問,係破壞行政立法關係,仲話自己幫 曾俊華 補鑊。今日曾俊華 親自還拖,還原真相。

林鄭月娥明擺蕉皮俾 曾俊華 踩

曾俊華 嘅還拖,基本上有三個重點

  1. 林鄭曾兩度去信立法會主席,表明官員唔會答被人稟國會議員問題
  2. 「當時我哋好多嗰啲來往資料,都去咗Carrie個office嗰度,所以佢(林鄭)應該都知悉嗰個事情」,即係林鄭月娥係知情,呢點係證明林鄭月娥明跣 曾俊華 嘅證據
  3. 「Carrie就將我哋以往嗰個政策改變咗,就話我哋會回答呢啲議員嘅問題」

呢啲唔係裝人彈弓,明擺蕉皮喺地下俾人踩,又係乜?林鄭月娥呢種作為,如果一般辦公室政治仲算,但如果呢個人係要掌管香港嘅最高權力,由呢啲心術不正嘅人上位就好大件事。今日可以擺蕉皮喺地㠪整 曾俊華 ,他日做咗特首,可以擺蕉皮整邊個官員,甚至整條蕉皮法案俾市民嘆,咁仲成世界嘅。

最公道嘅做法,就係政府同立法會交出相關文件出嚟,還原真相,但係以梁振英呢啲福佳嘅死性,更大機會律政司司長袁國強、政務司司長張建宗,同埋梁振英三條友夾埋銷毀文件,等大家連證據都無,口同鼻拗,呢啲同周星馳《少林足球》裡面果啲被操控嘅球賽無分別。我估夜啲政府隨時出新聞公報幫林鄭月娥,咁樣整蠱當時嘅財政司司長,如果無梁振英配合同大力支持,邊度可以咁玩。

梁振英、林鄭月娥集團係一班點嘅人,大家睇得好清楚,你喺公司遇正呢啲賤人,你都怕咗佢,唔想佢做你上司,更何況佢地嚟管香港,衰多五年就有你份。

發表迴響

你的電子郵件位址並不會被公開。 必要欄位標記為 *