林鄭月娥

林鄭月娥 唔知陳紅天係乜水,咪玩

根據香港01報導,陳紅天領導嘅深圳同心俱樂部,向俱樂部嘅香港居民會員籌款,幫 林鄭月娥 籌選舉經費,每人十萬。如果正常人,或者認為係果啲契丹人嘅呃錢行為,只不過,我自己再查一查,陳紅天同中聯辦,以及 林鄭月娥 關係密切,如果唔係中聯辦落柯打,點可能會亂嚟。 林鄭月娥 唔知陳紅天係乜水,咪玩喇,呢件事 林鄭月娥 需要向公眾進一步解釋。

陳紅天與 林鄭月娥 嘅關係

[embeddoc url=”https://martinoei.com/wp-content/uploads/2017/02/社團領袖贊能團結各階層-大公報.pdf” download=”all”]

根據大公報果篇搵「社團領袖」擦 林鄭月娥 鞋嘅報導(2017年1月17日,唔想益任何hit rate,亦唔想大公報刪文,所以我留pdf版),尾段有訪問陳紅天,陳紅天係咁講

林鄭月娥熟 悉香港運作,是下任特首的合適人選。他直言,“目前香港有一些部分人唯恐不亂,破壞香港法治環境,每一個理性的商人和市民都能看到”,希望下任特首應推動23條完成立法,並在處理“港獨”問題有更突出的表現。

大公報唔係亂咁搵人回應,呢啲肯出聲嘅人,多數係中聯辦授意下出聲嘅人,所以陳紅天係中聯辦關係密切人士,呢個都係幾肯定嘅事。跟住再查陳紅天嘅背景,根據香港商報2016年12月嘅報導,陳紅天係港粵青年總會嘅會董嚟。

[embeddoc url=”https://martinoei.com/wp-content/uploads/2017/02/港粵青年總會成立暨會董就職-香港商报.pdf” download=”all”]

根據香港商報嘅報導,乜人主禮呢個組織成立

香港廣東青年總會昨晚在香港會展中心舉行隆重的成立典禮暨首屆會董會就職儀式。行政長官梁振英專程來到會場,祝賀該會成立並與第一屆全體會董合影。中聯辦副主任仇鴻,外交部駐港副特派員宋如安,廣東省委常委、統戰部部長林雄,政務司司長林鄭月娥,已提交辭職的財政司司長曾俊華,立法會主席梁君彥,基本法委員會副主任梁愛詩等應邀主禮,

而有乜人做會董?

名譽主席陳永棋、戴德豐、林建岳、陳經緯、霍震寰、楊釗、陳紅天、許智明、梁亮勝、吳惠權、陳幼南,主席曾智明,執行主席霍啟山,常務副主席呂耀華、馬鴻銘、黃達東、樓家強、吳傑莊、郭基煇等。

陳紅天係名譽主席,有埋陳永棋、霍震寰、曾智明、霍啟山呢啲老土共,大佬,陳紅天會無端端做膠嘢?咪玩。

所以我並唔認為陳紅天嘅籌款行動,係陳紅天自己突然做,好明顯係 林鄭月娥 默許,至少係中聯辦出手拉票行動之一,如果 林鄭月娥 真係認為呢啲行為未經授權,點解唔果斷向廉署舉報?

發表迴響

你的電子郵件位址並不會被公開。 必要欄位標記為 *