邊位候選人會聆聽民主派聲音:睇 丁屋問題 就知

由戰略角度,我講得出邱吉爾希特拉入侵地獄,都要為魔鬼喺國會講句好話嘅名句,我立場好清晰,只不過,我明白有啲泛民真心膠選委,認為候選人聽唔聽民主派聲音係最重要。以自決派其中一個核心話題: 丁屋問題 ,其實會喺 丁屋問題 聽自決派意見並付諸政綱,唔係林鄭月娥,係曾俊華。

丁居合一解決 丁屋問題 嚟自姚松炎教授

丁居合一呢個構思,其實係好正,解決咗幾個問題:

  1. 大量丁權持有人有丁無地嘅問題
  2. 丁屋政策回歸資助房屋嘅本質
  3. 遏止丁屋遭無謂炒賣

但呢個構思,最初嚟自2011年 姚松炎教授嘅博客,當時姚松炎教授提出初步丁居公合一,解決 丁屋問題 嘅主張

我卻有一個永續可行,公平公正的解決方法,未知誰人有膽識,敢冒死拆彈。這方案名為丁居公屋三合一案,顧名思義就是把丁屋、居屋和公屋政策合併為一,全部合資格市民一家一屋,但既要交租,亦只可享20年租約,到期遷出,若仍合資格,可再排隊輪候遷入,貨如輪轉,可保公平永續。

跟住,喺星期日明報,2012年10月11日,姚松炎教授再提呢個主張,喺標題叫《丁居公合一有期才可永續》佢係咁講:

若以上的歷史問題能夠得到政府正視,獨立於丁權問題來解決,把丁屋政策回到資助房屋而不是業權補償的基礎上,問題就豁然開朗。若丁屋屬資助房屋政策一類,實無必要與公屋和居屋分開處理,分化港人。事實上,公屋和居屋同樣有不能永續的問題,因為中籤者可享資助一世,甚至繼承,因此政府只能不斷加建才可滿足需求,明顯是尾大不掉,不可能持續的政策。因此我們曾建議把丁居公三合一,不但毋須收回丁權,相反把丁權擴展至全港市民,不論男丁女丁,所有合資格人士,皆可享資助房屋,但必須為有期資助,譬如資助十年,到期讓出單位予有需要人士,貨如輪轉,才可永續無窮。

當然,依家曾俊華講丁居合一,應該對姚松炎教授嘅原主張有相當修訂,但姚松炎同班自決派無見過曾俊華,曾俊華自己去研究佢地嘅諗法,並寫入政綱裡面,睇番林鄭月娥,朱凱迪同林鄭月娥有親自交手嘅經驗,都知道呢個人唔會聽人講,亦唔會主動做研究,呢個就係分別。

所以我唔明自決派對 lesser evil 論嘅態度,如果自決派想將佢地嘅好主張變成具體政策,你估曾俊華上台機會大啲,定林鄭月娥上台機會大啲,仲要林鄭月娥後面咁鬼多梁粉地產商。由 丁屋問題 嘅立場,我睇唔到自決派對lesser evil論持保留立場嘅理由。

發表迴響

你的電子郵件位址並不會被公開。 必要欄位標記為 *