BNO

BREXIT 來了, BNO 同 BC 應如何自處

英國國會授權首相可以啟動 BREXIT 後,只要上下議院完成Report Stage階段,再交付女皇簽署即成法律,所以, BNO 同 BC喺歐洲法律地位將會面臨改變,呢度,我初步提供一啲忠告,有意行使居歐權利嘅,或行使緊居歐權利嘅,都應該仔細諗清楚。

依家行使緊居歐權嘅 BNO 同 BC

  1. 你依家嘅居留權唔會改變,而你嘅權利,就算 brexit 都唔會有大改變
  2. 有可能入籍要求喺 brexit 後收緊,如果 bno 想歸化,應儘早行動,同埋儘量考晒啲融合試同語言試
  3. 唔好隨便長期返香港,以免影響自身權利,盡量等到已經歸化完成至返港,特別 bno

有意行使居歐權嘅 BNO 同 BC

  1. 盡量喺今年就開展行使居歐權嘅程序
  2. 由於部分國家對 BNO 身份 認定混亂,應避開果啲國家或州份

但可能未來其中一個最現實嘅問題,就係 BNO 同 BC 都會無 European Union 字樣,即係兩本護照係一樣,咁未來英國邊防,或者其他人員點辨認兩者分別,我個人覺得相當神奇。本來 BNO 同 BC 已經極似樣,除咗封面,同埋第一頁一堆歐盟文字嘅國名,但依家,一定要兩者合併一種設計,而其實殖民地英籍人士無咗居英權,其中一個大原因係為咗加入歐盟,但如今英國已經退歐,而BOTC都找番晒數,香港果剩番幾百萬人,可以點處理,相信亦係英國朝野必須面對嘅問題。

如果你嘅事業係同歐盟息息相關,無論BC定 BNO ,既然支爆在即,無事可為,不如早啲去歐洲嘗試入籍當地,取得歐盟公民身份,特別依家入籍,應該仲可以保留歐盟成員國公民入籍可保留原有國籍條款,保障你自己喺歐洲發展嘅權利。巨變已成,都要時刻留意身份變化。喺 white paper 出咗後,我會再剖析可能出現嘅結果,並建議可以應對嘅方法。

One thought on “BREXIT 來了, BNO 同 BC 應如何自處

  1. Immigration Act 1971 / British Nationality Act 1981 係某種情度上, 除咗當年因為香港臨近到期嘅原因, 實質上係因為英國入歐盟, 要整條European Communities Act 1972 去同歐洲法例接軌, 分辨邊啲係歐盟成員國有權享有的人, 繼而衍生出 BC/BDTC/BOC/BS, 再加上Gibraltar, Isle of Man, Jersey, Guernsey, BNO, 一大堆唔知點算又無厘頭要出declaration去解釋不同status嘅國籍.

    今次既然大家都唔再係European Union, 根本就唔使再分呢分去, 你話啲國籍法係未要簡化呢?

發表迴響

你的電子郵件位址並不會被公開。 必要欄位標記為 *