brexit

英國國會授權首相啟動 brexit

brexit 拗咗咁耐,喺工黨不戰而降,話要尊重公投結果嘅情況,支持政府法案嘅情況,以498票對114票,正式授權首相 Theresa May 向歐盟知會,啟動《里斯本條約》第50條退歐程序。

具體退歐方案係點,當然要睇政府發表嘅白皮書。只不過,呢個授權法案,只係一場大混戰嘅開始,以下有幾場大亂鬥將會出現,英國有排亂。

brexit 大亂鬥有幾多場

究竟 brexit 有幾多場大亂鬥呢,我喺呢度列出一堆將會面對嘅大亂鬥,有排煩

  1. 上議院成班 liberal democrat 嘅貴族,喺個授權法案度慢慢同你玩到佛誕,我唔會低估呢班友,我個英國公民身份都係多謝呢班貴族
  2. 蘇格蘭當年留英,係因為英國留歐,snp實諗計啟動獨立公投。
  3. 北愛爾蘭嘅和平協議,其實基於英愛歐盟下係一家,一旦 brexit ,愛爾蘭共和軍啲激進分子會唔會返嚟呢?呢個係 brexit 支持最無考慮嘅嘢,依家回教啲恐怖分子仲未夠煩。
  4. 直布羅陀唔留喺歐盟好難生存,但直布羅陀人又唔會同西班牙「統一」,當年西班牙割讓直布羅陀果陣,講明英國唔要直布羅陀,要俾番西班牙,依家有排煩。
  5. 歐盟為免再有國家玩類似 brexit 嘅嘢,啲退出條款一定辣到無人有,英國全國有無心理準備找呢條數先。

仲要以上大亂鬥,是但一場有啲古怪結果,都會引發另一場大亂鬥,總之膠事一大堆,工黨同保守黨兩班友喺no plan嘅情況搞brexit,搞出乜膠出嚟,英國未來國策會否大轉,例如被迫重返亞洲(美國叫你重返亞洲,你返唔返嚟?)總之,依家係一切大風暴嘅序幕。

仲有,小心睇住股市同外匯市場,乜都可以發生,小心為上。

發表迴響

你的電子郵件位址並不會被公開。 必要欄位標記為 *