劏房

劏房 令香港蒙羞 仙姐呢啲人渣仲好意思大言不慚

英國 Daily Mail 似乎覺得有唔少香港捧場客,而原來英國人都想了解香港發生乜事,落咗唔少功夫喺香港新聞度。 Daily Mail 報導 劏房 ,就報導咗一間最極端例子, 棺材房, 劏房 劏到居住空間只係得棺材咁大。喺西方國家嚟講,呢個除咗反映香港泡沫經濟外,其實香港商界嘅形象,亦因此喺國際上大受影響,如果乜嘢叫無良商人,冷血商人,香港商人一定有份,亦都多謝 仙姐 呢啲hihi唔少。

我一直無乜時間同空間,招呼 仙姐 呢啲人渣嘅道德問題,因為 仙姐 無搵法律上合資格教人 劏房 嘅人去搞 劏房 ,本身已經好有問題,只不過,仙姐呢啲人渣嘅賺到盡問題,至少更大嘅問題。

劏房 ?點解唔搞租務管制

如果純粹由經濟學理論,由於「租值消散」呢個問題,所以租務管制本來係唔多鼓勵,只不過,喺德國呢啲國家,一定唔會容忍 仙姐 嘅歪論,認為你班友為咗賺租賺到盡,打著救濟貧民居住空間為理由搞剝削,搞到人日日住喺棺材度,而且十分之唔安全。德國嘅租務管制係世界最嚴,加租幅度、租金水平、租客權益等全部有管制,業主只會藉租務賺到比銀行存款優厚一啲嘅回報,點解係咁,因為喺歐洲嘅觀念,居住係人權,所以你睇英國嘅公屋,即係Council House,無論居住空間,定所謂入息審查,都係留番啲尊嚴俾人。

當然,呢個係左膠嘅講法,如果你想自由放任經濟講法,唔係唔得,但美國啲有錢佬,好似Bill Gates、巴菲特呢啲,好多財富唔會傳晒下一代(大部分捐咗去),有能力盡心慈善,好似 Trump 呢種富豪,喺美國係被鄙視,因為有錢唔能夠賺盡,賺番嚟只作私人享樂之用,簡直係有失身份, 仙姐 呢啲人叫未為富先不仁,所以點解引起香港全民圍攻,就係呢啲友太cheap。

講明在先,天地智庫基金會如果再搞 劏房 班,或邀約叫人搞 劏房 ,大家應該快啲向Daily Mail報料,等呢啲人喺全世界人面前蒙羞。

發表迴響

你的電子郵件位址並不會被公開。 必要欄位標記為 *