林鄭月娥

林鄭月娥 根本無心捍衛基本法22條

林鄭月娥 被問到可唔可以阻止中聯辦干預選舉果陣, 林鄭月娥 話中聯辦幫佢助選係有反效果,只不過,佢本身無基礎阻止中聯辦繼續干預選舉。

啲土共唔係好鍾意迫學生讀《基本法》嘅咩,我大學果陣真係有讀《基本法》,《基本法》係有條文,明文禁止中聯辦干預選舉,以維護香港嘅一國兩制同高度自治。

林鄭月娥 拒絕祭出《基本法》22條制止中聯辦

喺好多人眼中, 林鄭月娥 係表面反對中聯辦干預選舉,暗地好享受中聯辦代為打點一切嘅好處,胡國興法官早講過,《基本法》22條係要執行,我就將《基本法》22條嘅全文引出嚟。

中央人民政府所屬各部門、各省、自治區、直轄市均不得干預香港特別行政區根據本法自行管理的事務。

中央各部門、各省、自治區、直轄市如需在香港特別行政區設立機構,須徵得香港特別行政區政府同意並經中央人民政府批准。

中央各部門、各省、自治區、直轄市在香港特別行政區設立的一切機構及其人員均須遵守香港特別行政區的法律。

*中國其他地區的人進入香港特別行政區須辦理批准手續,其中進入香港特別行政區定居的人數由中央人民政府主管部門徵求香港特別行政區政府的意見後確定。

香港特別行政區可在北京設立辦事機構。

中央人民政府所屬各部門、各省、自治區、直轄市均不得干預香港特別行政區根據本法自行管理的事務,依家 林鄭月娥認有中聯辦拉票嘛,即係有人干犯《基本法》22條,點解 林鄭月娥 唔攞《基本法》22條出嚟喝止張曉明,點解大家覺得 林鄭月娥 唔係真心捍衛香港嘅高度自治,因為佢根本無出聲去反對嚟自北方嘅違法干預,胡國興法官主張《基本法》22條立法,曾俊華喺肖建華事件中明確表示唔容許香港以外嘅執法部門執法,咁你 林鄭月娥 除咗得把口,仲剩低啲乜,你同我講。

依家公眾想知道,由依家呢一刻開始, 林鄭月娥 有無心捍衛《基本法》22條,明確宣示唔會要,亦唔想張曉明插隻手入香港選舉,並自願受人民嘅監督。以 林鄭月娥 果種虛偽,你覺得佢會咩?有啲人唔被信任,根本係有解嘅。

發表迴響

你的電子郵件位址並不會被公開。 必要欄位標記為 *