曾俊華-林鄭月娥

曾俊華-林鄭月娥 首日對陣

曾俊華-林鄭月娥 一直以來都未有機會直接對陣,不過,今日由於 曾俊華-林鄭月娥 都出席鄉議局活動,加上大家同時都回應相類似嘅議題,所以可以對兩個人嘅取態作出一個直接嘅比較,要妥善比較 曾俊華-林鄭月娥 之間嘅分別,最好梗係用個字去羅列雙方就唔同問題嘅立場,再作出分析。

曾俊華-林鄭月娥 2017年2月1日 交鋒狀況

曾俊華 林鄭月娥
根據《基本法》的規定,只有香港的執法人員,有權在香港執法,香港以外的執法人員,無權在港執法。 表示明白公眾疑慮,強調任何事情必須依法辦理。
混合模式發展丁屋和居屋 另外,有鄉事派人士透露,有人在會上提出,容許丁屋多建數層,林鄭月娥回應指可以考慮。
將灣仔運動場改劃為會展用途,曾俊華認為,灣仔運動場孕育很多運動員,在擴建會展選址上,須十分謹慎。 無回應
關注北區走私客問題 無回應
無回應 指責曾俊華破壞行政立法關係,一切由林鄭月娥補鑊

今日 曾俊華-林鄭月娥 對陣分析

  1. 同樣有回應肖建華事件,曾俊華係堅定香港自治權,任何香港以外執法人員無權執法嘅立場,林鄭月娥捍衛香港自治權上模稜兩可。
  2. 喺丁屋問題,林鄭月娥一味迎合鄉事派多層丁屋訴求,相反,丁屋居屋混合發展,有將丁屋導回資助房屋嘅意味,提出新方向。
  3. 灣仔運動場問題,北區走私客問題,兩大民生問題,林鄭月娥都無回應,曾俊華主動回應
  4. 行政立法關係,林鄭月娥攞梁振英嘅陷阱舊事重提,只能講,除咗陰謀詭計,林鄭月娥一無是處。

我可以咁講,曾俊華主要打民生議題牌,反而,最講政治化果個,就係成日將政治化帽子扣喺人地頭上嘅林鄭月娥,香港傳媒既然唔會梳理每日嘅戰況,咁唯有我去做每日score卡咁點評,亦都要點醒果啲泛民左膠,究竟邊啲人至係真正為香港人造成重大危險。至少今日兩陣交鋒,都幾清晰。

發表迴響

你的電子郵件位址並不會被公開。 必要欄位標記為 *