Churchill

Churchill 嘅金句:民主派嘅教戰守則

大家都知 Churchill 一直以嚟都好憎蘇聯同共產黨,係咁喺下議院反對蘇聯,啲人當佢係傻佬。但1941年果陣,英國決定要同蘇聯結盟,共同對抗納粹德國, Churchill一生咁憎共產黨,佢又點為自己嘅建議自圓其說,佢喺國會就講咗呢番金句:

If Hitler invaded hell I would make at least a favourable reference to the devil in the House of Commons.

粵語譯法:如果希特拉走去入侵地獄,我都會為魔鬼喺國會講番句好話

呢句生動,但婉轉,如果赤裸啲用粗口嚟講當中嘅邏輯就係,為咗打柒最邪惡果條友,會不惜同無咁邪惡果條友聯手。呢個就係 Churchill 嘅戰略方針,如果英國唔靠呢個戰略方針,令德國陷入兩線作戰嘅困境,你覺得英國能夠抵抗納粹德國嘅入侵?

Churchill 金句教民主派乜嘢

對於理想主義者,佢地係無要打柒最仆街果條友先嘅概念,但 Churchill 金句教民主派一樣嘢,依家唔係選賢與能嘅時候,你要達致理想,可以等戰爭結束,一如戰爭結束後, Attlee 擊敗 Churchill 成為首相,開啟英國福利國家嘅年代一樣。依家最緊要係打擊主要最邪惡嘅敵人,而眼前最邪惡嘅敵人,其實好清楚,就係林鄭月娥,擺明繼承梁振英路線,如果梁振英搞831同DQ議員已經好過份,以林鄭月娥果種性格,沒有最過份,只有更過份,所以我都要make at least a favourable reference to any candidate other than Regina and Carrie。

如果你覺得薯片或胡官都係要打,大可佢上台後,或者林鄭月娥不再構成威脅後慢慢玩飽佢,但依家要有 Churchill 嘅戰略腦筋,搞清楚要打柒乜人先。

發表迴響

你的電子郵件位址並不會被公開。 必要欄位標記為 *