Donald J. Trump

Donald J. Trump 教一眾耶膠情何以堪

喺美國大選前,好多耶膠,特別明光社果隻,都想 Donald J. Trump 當選,而Hilary Clinton 落選,無他,民主黨喺同性戀平權議題上立場明確,就係唔buy耶膠果套,佢地以為 Donald J. Trump 上台後,會恢復番奧巴馬上台前嘅舊世界。但最後 Donald J. Trump 竟然話,2014年奧巴馬政府嘅行政指令,佢會執行落去,佢認為性傾向歧視係唔啱嘅。

正如好多左膠以為 Donald J. Trump 會玩性傾向歧視,因為佢移民政策係歧視,呢個推論係錯到離晒大譜一樣,其實雙方都將 Donald J. Trump 估錯晒,如果大家了解英國保守黨政府喺gay rights 同反移民立場上背馳,其實唔難明, Donald J. Trump 只會迎合耶膠口味委任個保守派大法官入最高法院,但如果想佢 gay rights上倒退,甚至乜都唔做,要佢喺性傾向問題上走數,係唔可能。

Donald J. Trump 同好多西方人點解憎回教?

其實呢班耶膠睇唔到一樣嘢, Donald J. Trump 同埋唔少西方人,點解咁憎回教,除咗回教恐怖分子無惡不作,濫殺無辜之外,回教原教旨主義分子果啲歧視女性,歧視性小眾,要求女性戴頭紗呢啲作為,同樣係惹來憎惡嘅理由。支持 Donald J. Trump 嘅人,固然有鄉下地區果啲耶膠,但有更多係唔鍾意回教原教旨主義分子,私生活可能唔比 Donald J. Trump 好幾多嘅普通白人。喺果啲普通白人眼中,你班耶膠其實都係回教原教旨主義分子差唔多。

所以 Donald J. Trump 唔單只唔會歧視性小眾,而且佢有機會完成聯邦層面上嘅同性婚姻立法,一如英國嘅民事結合雖然由工黨開始,但完成同性婚姻呢步係保守黨,David Cameron喺任由保守黨員自由投票下,倫敦同城市嘅保守黨員,加上工黨同自由民主黨、蘇格蘭民族黨嘅議員,都通過到同性婚姻法一樣。講真,Donald J. Trump 呢件事上,未必要睇班共和黨死硬派面色,特別美國政黨紀律比英國鬆散好多。

發表迴響

你的電子郵件位址並不會被公開。 必要欄位標記為 *