譚衛兒

譚衛兒 可以為抹黑BNO唔守新聞操守到乜程度

譚衛兒 無恥唔係新聞,只不過, 譚衛兒 為咗執行中共嘅政治任務抹黑BNO,連英國駐香港及澳門總領事都玩,南華早報百年聲譽一朝淪喪,呢件事就理由唔出聲,依家 譚衛兒(Tammy Tam) 令 SCMP 成為 fake news maker ,呢件事無可能就咁算數嘅。

譚衛兒 存心幫中共做假,應該辭職

先回帶先,南華早報喺一月十七日,引用董耀中嘅錯誤言論,話BNO無英國領事保護權,跟住全民圍剿 譚衛兒 同南華早報,英國駐香港總領事館,一向都呢啲抹黑BNO言論唔多理,好多時都係我出嚟清膠,但依家賀恩德改變政策,去信南華早報要求澄清,大家睇 譚衛兒 做出乜事出嚟,將係將封信寫成2015年1月31日,連條permalink都係2015年1月31日。

譚衛兒
譚衛兒

如果呢單嘢係發生喺郭氏家族主政嘅scmp,我仲信呢單係it部嘅careless mistake,畢竟以往scmp.com嘅IT部膠人頗多,我以往都領教過唔少,執CMS執天光都試過,但依家咁玩法,仲要scmp依家母公司係阿里巴巴,阿里巴巴係乜公司嚟㗎?一間網站公司,教 譚衛兒 咁做果個人,不單係阿里巴巴公司嘅高層,而且對SEO有一定認識,因為篇文係backdate咗,Google嘅排名會大跌,咁南華早報嘅抹黑報導喺search engine排名會繼續喺前列,而賀恩德嘅回應喺search engine會消失,你估我唔知呢啲係gray hat或black hat SEO技術嚟?所以我好肯定, 譚衛兒 根本唔係做新聞,條友係作新聞,呢啲fake news行為係離晒大譜,要backdate一篇news喺CMS,一定係故意動作,好少係意外嚟。

如果南華早報唔改番篇文嘅日期,同permalink,我認為必須杯葛南華早報,甚至去信Google同Facebook,要求視南華早報為不可靠消息來源,呢啲手法,真係比大榴槤果啲手法仲要衰十倍。呢個係濫用南華早報多年以嚟嘅公信力,嚟替中共喺英文世界散播謠言,馬雲呢個人係創業英雄定人渣,我睇法好清楚,呢條友係人渣,同方濱興呢條友係同一檔次嘅人渣。

發表迴響

你的電子郵件位址並不會被公開。 必要欄位標記為 *