曾俊華

曾俊華 嘅民望係嚟自團隊

根據眾傳媒嘅數據分析, 曾俊華 喺網上嘅正評同林鄭月娥嘅領先優勢擴大,當然林鄭月娥嘅關公災難製造能力,確實係比較罕見嘅,但好多人認為 曾俊華 民望高,只不過係佢公關技巧好。

只不過,大家睇 曾俊華 喺具體民生政策問題上連出三招,就知 曾俊華 嘅民望唔係嚟自公關,而係嚟自相對嚟講,政治判斷力比較高嘅團隊。

曾俊華 連環打 TSA、走私客同灣仔運動場

梁振英雖然就走,但呢個變態佬臨走有件蘇州屎無處理,就係北區走私客問題,而吳克儉恢復 TSA 同埋梁振英寧願拆灣仔運動場搞會展,都唔興建第四條海底隧道,呢啲問題,都係引發公眾廣泛對梁振英嘅反感,甚至覺得如果要送走梁振英同埋佢個瘟神團隊,不如快啲送鬼走佢。

曾俊華 唔係教育政策出身,就一出手打TSA就贏得掌聲,對泛民果啲連自己幫緊邊個都唔知嘅左膠構成戰略壓力,好明顯呢招係得手,跟住今日連出兩拳,先喺北區走私客問題度,首度出聲認為係要處理,至少佢有處理本土派,甚至泛民關注議題,唔係林鄭月娥咁,做緊石敬瑭。跟住再喺你問我答環節,認為要重新考慮灣仔運動場拆卸問題,呢個肯定會得到不少港島居民嘅支持。

曾俊華 唔係民政事務出身,唔係教育出身(雖然佢係本來做過中學教師,亦喺波士頓市政府任職教育部門,除咗建築,教育係佢原本嘅專業,所以叫吳克儉死開啲),唔係運輸出身,但點解可以出招咁準,除咗佢有自己嘅觀察,佢自己對體育嘅關注,以及佢嘅教育專業背景,團隊可以俾乜feedback好重要。你睇 曾俊華 個網站,唔叫特別好,但唔會好似希師奶咁,一開始保安肥佬,甚至林鄭月娥,到依家都仍然存在低能錯誤。 曾俊華 反映係成個團隊嘅實力,呢隊人至知係知民間要乜嘢,唔係一味做啲令人反感嘅爛show。大家唔好唔記得, 曾俊華 今日講過乜,唔找數會有人追數(所以 Trump 至咁有找數壓力,你估 Trump 唔知有factcheck呢家嘢咩)。

林鄭月娥、葉劉淑儀嘅用人表現,其實大家有眼見,佢地搞到今日咁,就係成隊team嘅失敗,你諗住一敗failed team領導香港,唔係嘛。

發表迴響

你的電子郵件位址並不會被公開。 必要欄位標記為 *