open data

香港特膠政府嘅偽 open data

特膠政府嘅所謂 open data ,不嬲都為人所詬病,最近有人忍唔住,直指選舉事務處,幾時肯提供啲數據嘅csv版,我再比較選舉事務處喺 data.gov.hk 開放嘅資料,再比較 data.gov.uk 喺選舉方面嘅數據,好彩我唔再喺香港大專院校以量化方法研究政治,否則我一定發火鬧爆啲人。

open data 必須係 machine readable

data.gov.hk作為一個政府 open data 嘅 portal,應該盡力集齊唔同政府部門首要數據,而選舉事務處嘅選舉結果同投票率數據,係各大院校,甚至政黨常用,應該擺喺 data.gov.uk嘅資料集裡面,咁樣可以一站式攞齊需要嘅csv、xls甚至xml檔,咁就天下太平,但大家睇吓香港政府俾啲乜垃圾俾大家?

open data
open data

你比較吓英國政府,人地啲dataset完備幾多至得

open data
open data

政府真正真心誠意搞 open data ,果啲data一定係machine readable,因為呢個世界唔係只得賣app嘅友仔會寫program,如果我仲係政政系嘅學者,我諗我會寫program食政府嘅數據,去做唔同統計學分析。要人去由pdf打字,係浪費光陰,唔怪香港啲社科學者成日怨自已做緊data entry,呢啲政府簡直係黐線中嘅黐線。

比起英治年代,依家香港政府喺 data exchange上基建努力,簡直係hea,點解今日打到粵語字,當年英國政府為解決法院記錄口供嘅問題,大力推行嘅Big-5 HKSCS (香港政府字集)係應記一功,決定字碼嘅工程,係比今日有晒industry standard,只係政府部門release data俾人民複雜好多,CJKV漢字字碼問題,一直係好麻煩嘅議題,係直至Unicode面世至叫解決,我依家無要求要選舉期整條live xml 或 rss feed,即時餵晒啲投票率同點票數據。大家嘅願意都好卑微,其實只係要你俾個csv檔或xls檔俾我,仲要我們唔計啲檔案,會唔會俾你班友搞到啲格式烏厘單刀。

呢個政府又懶又衰,由呢啲小事已經表露無遺,你比較吓英國政府喺 open data 嘅努力,我覺得創科局應該早啲執咗佢,咪浪費公帑兼阻住個地球轉。

One thought on “香港特膠政府嘅偽 open data

  1. 其實,香港政府係無意將有關數據公開,即使你用Code on Access to Information問佢要,而且講明要XLS或者CSV,佢都係只會比PDF。

發表迴響

你的電子郵件位址並不會被公開。 必要欄位標記為 *