林鄭月娥

林鄭月娥 為當選特首,乜都可以賣

一直以嚟,點解我對 林鄭月娥 極有保留,因為 林鄭月娥 為咗上位,乜都可以賣,故宮如是河套區如是,如今呢條友,竟然可以話丁屋起多幾層可以考慮,為咗做特首,向新界呢班鄉紳出賣香港人利益,真係乜都做得出。

林鄭月娥 知唔知丁屋政策應到尾聲

丁屋政策又叫新界小型屋宇政策,其實大清帝國政府租新界俾人果陣,無呢樣存在,係當時新界人慣咗求其見到自已嘅農地,或者荒地就起屋,起到排水、交通等全無規劃,真係烏厘單刀,到咗上世紀七十年代,英國人要發展新界,如果繼續俾呢種習慣落去,一方面新界人唔支持發展新市鎮,另一方面,呢種亂起屋嘅方法,一定搞到新市鎮一塌糊塗,所以英國人至權宜之計,搞出個丁屋政策出嚟,本意係令新界私人屋宇發展有規有矩,結果變咗乜,大家有眼見。

丁屋政策係一定要有口落條款,否則就變大清帝國嘅土地分配問題,凡男丁都俾地,結果邊有咁多地。 林鄭月娥 如果堅打得,就係唔要呢班新界土豪劣紳嘅票,立定決心終結丁屋政策,甚至真係要不惜出動防暴隊同重案組,咁樣仲可能得到一定支持。依家,為咗做特首,先賣西九,再賣故宮,依家賣埋新界,石敬瑭都係賣燕雲十六州予契丹咁大把, 林鄭月娥 依家係唔係想超越石敬瑭?

一個為咗上位,可以乜都賣嘅人,係根本信唔過,甚至係香港版嘅Quisling,之前已經由一個Quisling嚟管,依家嫌Quisling唔夠多?我就嚟整張列表,列舉 林鄭月娥 會見唔同集團期間,賣咗幾多平民利益俾班hihi。所以唔少梁粉地產商,轉而支持 林鄭月娥 ,正常不過,佢地都係要一個 Quisling啫。

發表迴響

你的電子郵件位址並不會被公開。 必要欄位標記為 *