Trump-UK

假如我係首相,好唔好叫 Trump 訪問

Trump 可以訪問我國,一石激起千重浪,有人喺國會請願網站發起請願,反對 Trump 訪問我國,雖然有十六萬人支持訪問,但有成百七萬人反對訪問,民意都好清楚吓。

只不過,如果你睇番英國國會網站嘅請願分佈圖,呢股民意未必反映喺國會選舉,呢個至係最牙煙。

鄉郊選民其實好愛 Trump

先睇反對 Trump 果班友嘅分佈

Trump-UK
Trump-UK

深紅色嘅,地區好細,但人數好密集,其實正係大倫敦、曼徹斯特(市區)、愛丁堡、牛津、劍橋呢幾區,簡單嚟講,互聯網普及率高,精英雲集,有國際視野,長期喺多元社會下生活,當然睇唔起 Trump 呢啲人,喺佢地眼中, Trump 簡直係盲毛嚟,根本唔應該俾佢嚟英國,反對 BREXIT 其實都係呢堆人,呢堆人嘅聲音,喺互聯網世界上,可以放大到好大。

但支持 Trump 果班友又點

Trump-UK
Trump-UK

淺色嘅地區好細,呢個呢項建議,喺大城市同牛津、劍橋係不受歡迎,但喺約克郡、英格蘭中南部廣大鄉郊地區,啲人其實好支持 Trump 嘅政策,而英國保守黨依家可以執政,其實就係靠呢班友,大家都知道,英格蘭鄉郊地區啲internet其實係好差,當倫敦人人用4G飛嚟飛去果陣,果度仲成村人用緊ADSL,甚至係唔識上網,日日睇itv嘅coronation street度日(簡稱corrie,一套類似香港8x、愛回家之類超長壽肥皂劇,你當呢班友係cctvb擁躉嘅英國版都得),呢班友,其實係好支持 Trump 果啲政策。

當民意分裂成咁果陣,如果我係首相點算?以選票角度,一定要繼續請落去,但以同精英嘅關係角度,請落去遲早保守黨自己都分裂,你話點算。

如果喺BNO平權嚟講,其實香港人可以唔只向城市sell平權,因為城市人其實都知BNO政策係有問題,但可能重口味向 Trump 支持者sell嘅手法,話支持BNO平權等於支持挑戰契丹,可能更得人心。如果俾我解讀呢個petition地圖,我只能用陳奕迅嘅歌詞:治本必須重口味。依家英國堅係重口味選民當道,無符。

One thought on “假如我係首相,好唔好叫 Trump 訪問

  1. 倫敦部分地區好難講”精英雲集,有國際視野”, 特別係zone 3, 4個一頭, 因為個度有色人種多.

發表迴響

你的電子郵件位址並不會被公開。 必要欄位標記為 *