Trump

Trump 亂咁講 You’re fired 遲早炒出膠

當 Trump 啱啱當選總統果陣,好多人食花生咁睇, Trump 幾時喺政府對住自己啲官員講 You’re fired,喺一個電視真人騷, Trump 好霸氣咁講 You’re fired 令成個騷生色不少,但如果喺政府亂咁講 You’re fired,就好可能令自己控制唔少龐大文官系統機器,咁就有可能玩到自己膠晒。

Trump 炒 Sally Yates 暴露 travel ban 嘅問題

Trump 炒咗奧巴馬留低嘅署任司法部長 Sally Yates,因為Sally Yates 認為 Trump 嘅行政指令唔合法,所以要求司法部嘅律師唔好幫政府辯護,所以 Trump 炒咗佢。 Trump 固然有權力炒咗佢,問題係,呢個係暴露咗成個 travel ban嘅行政指令,根本係未諮詢過司法部嘅法律意見,如果喺英國,政府內閣試吓有決定未經諮詢司法大臣,或總檢察長,你睇吓一旦被人打上法院司法覆核會有乜結果。當 Trump 咁炒人果陣,我真係好懷疑 travel ban 嘅行政指令有無可能過到法院關於due process嘅test。

Trump 好明顯係無睇BBC名劇Yes Minister,Yes Minister話俾大家睇一個好赤裸裸嘅事實,就係你作為大臣、首相,甚至總統,你有選票授權都唔係大晒,如果你嘅決策係唔跟應有嘅方式去做,官僚絕對可以玩殘你,如果你炒晒啲官僚,就睇你有無能力可以掌握龐大嘅官僚系統。古代中國皇帝同一大堆儒生為主嘅官僚對抗,好多膠爆收場,更何況英國同美國果啲職業官僚,你認為自己有選票就係手握尚方寶劍,實際上唔係。

我可以講, Trump 用 You’re fired用嚟管一個家族企業,或者係行之有效,但管一個龐大官僚機構,遲早就係官僚整蠱佢到死,尤其美國公務員人工唔收非常吸引,係有啲使命感嘅人,至會留喺官僚系統或政壇,同香港成班友為咗個金飯碗留喺政府係完全兩回事。你以為啲公務員好稀罕份工咩,其實唔係。我可以講, Trump 終有一日會炒出膠出嚟,英國人做事果種細緻,好多時係歷史俾嘅學費太多積落嚟。 Trump 同美國唔少人,都好似未俾夠學費咁,係都要硬膠一次。(雖然英格蘭有唔少鄉下佬,都係未交夠學費。)

發表迴響

你的電子郵件位址並不會被公開。 必要欄位標記為 *