香港01

如何阻止 香港01 之類垃圾網媒坐大?

相信好多人都好氣憤,點解不斷有人share 香港01 ,我係堅唔鍾意 香港01 ,單係果種抄咗嘢又唔俾credit,又唔俾版權費嘅行為,都抵追殺佢地十萬八千里。只不過,由讀者角度嚟睇,如果唔share或睇 香港01 ,喺我facebook個newsfeed有無第二啲選擇先?

呢個正係好多泛民主派網媒,甚至本土派網媒無交嘅功課

香港01 係垃圾,但人地都有做番基本嘢

由網絡建設上, 香港01 仍然係垃圾級別,用咗cdn但pagespeed評分慘不忍睹,呢啲典型豪華陣容,安排垃圾嘅傳媒好多,但 香港01 有三件事有做番基本功課,

1. 香港01 個CMS係有喺meta落一堆SEO嘢,雖然都係垃圾,但夠佢喺facebook同google攞到排名就夠有餘

香港01
香港01

2. 香港01 有做https嘅傳輸,呢個係Google同facebook排名嘅基準,呢樣嘢,香港另一個網媒有做就只有立場新聞,無錯,另一個大家好憎佢嘅立場。

3. 香港01 係一個content farm,除咗政治硬內容,仲有各類軟性或花生內容, 香港01 班友無嘢嘅,只要喺呢啲內容山大斬埋有柴,佢就夠攞到佢要嘅位置。

馬來西亞嘅傳媒,因為有經常同大榴槤一類垃圾交手嘅經驗,以內容農場嚟講,大榴槤嘅SEO係好得人驚, 內容農場玩AMP呢種玩法,已經恐怖到一個點,所以大馬嘅中文傳媒,往往喺SEO呢方面比香港先進,好多都做咗facebook instant article(我呢度啱啱做咗FBIA),無他,要同大榴槤呢類垃圾鬥,就要做得更積極。同樣,要同 香港01 一類嘅垃圾鬥,就要鬥勤力,所以呢度都會安排啲花生內容,或軟性內容,其實都係呢個原因。大家要承認一個現實,大家facebook news feed係得一條,你要迫入去,就要做好自己。

發表迴響

你的電子郵件位址並不會被公開。 必要欄位標記為 *