肖建華

肖建華 事件,越解越膠

肖建華 被強力部門用洗頭艇帶走事件,雖然 肖建華 以李波模式解畫,但李波模式等同越解越膠,所以 肖建華 又發多篇聲明,但成篇聲明被我呢啲識中國國籍法嘅一睇,就睇出一大堆前後矛盾,呢啲矛盾更加反映強力部門班友根本係一班法盲嚟。

肖建華 係華僑:李波首先係中國公民

肖建華 成篇聲明嘅前後矛盾位,其實喺佢嘅國籍身份說明果度,基本上, 肖建華 嘅國籍身份說明,包含四個元素:

1. 肖建華 係愛國華僑
2. 肖建華 係香港永久居民
3. 肖建華 係加拿大公民
4. 肖建華 嘅護照有外交保護權

喺中華人民共和國(即契丹),華僑嘅定義係指仍然保留中國國籍而居於中國以外地區嘅人,所以我從來唔認自己係印尼華僑或英國華僑,因為我根本無中國籍,我係華裔英國人或華裔英籍印尼人,就係跟契丹嘅法律定義。 肖建華 自稱係愛國華僑,即係佢係中國公民。

如果 肖建華 退出咗中國國籍,佢有加拿大公民,自然有加拿大政府嘅領事保護權,但依家 肖建華 自稱華僑,即係有中國公民身份,咁 肖建華 又何來外交保護權呢?呢個statement前後矛盾之嚴重,一睇就知依家強力部門啲友仔,對中國現行法律極差,至會寫出呢啲狗屎垃圾出嚟。

為免契丹政府嘅強力部門捉你果陣,係唔係都屈你一個華僑身份,如果你有加拿大、澳洲等國籍,記得向入境處做國籍申報,而國籍申報果張嘢除咗保存喺安全地方,最好係事先公布出嚟,同埋將份嘢交俾你所屬國家嘅使館存檔,以策安全。

如果你係British Nationality (Hong Kong) Act 1990(即係居英權計劃)下成為英國公民嘅人,正常嚟講做唔到國籍申報,但如果你曾經喺英國住過,提出喺英國居留嘅證明,例如選民登記同埋National Insurance供款紀錄,可以視為正常加入英國國籍,你係可以做國籍申報,最好住一年左右。咁樣你就可以甩咗你個中國國籍,當然,甩咗中國國籍後,唔好做埋啲幫共產黨嘅衰嘢,依家已經係Trump年代,如果英美同契丹對打果陣,你甩咗中國國籍暗幫契丹,衰得仲甘啲。

發表迴響

你的電子郵件位址並不會被公開。 必要欄位標記為 *