全民退保

全民退保 只係為白票政策開鑼響道

全民退保 呢個膠議題,一直係困擾嚟,以往香港啲無良老闆無向員工提供退休保障,呢個係事實。但依家香港無入境政策自主權下,搞 全民退保 真係盞搞,除咗剝削年青人,我真係諗唔到第二樣嘢。而社福界班左膠,周圍問特首參選人支唔支持 全民退保 ,四個參選人唔支持都係正常,因為不受歡迎。而依家,社福界放嘅風係,如果無人支持 全民退保 ,就唔提名任何人,投白票。

其實呢班福佳,已經暗幫緊林鄭月娥。由佢地嘅利益網絡,以及奇怪嘅意識形態,暗幫林鄭月娥都唔係無解。

林鄭月娥-張建宗聯盟嘅問題,唔係 全民退保 嘅問題

我唔反對用公帑改善對長期居住香港長者嘅醫療照護,對所有香港居民,臨終服務都應該要做好,呢樣嘢,我覺得合理嘅,但 全民退保 ,除非 全民退保 以強積金計劃喺香港實施果陣劃界(即係強積金實施當日或之前已經係香港永久居民),否則呢個係幫契丹政府養老人家,根本係黐線嘅,點可能支持。呢個係大家都知 全民退保 行唔通嘅原因,但點解社福界明知佢地立場等於玩白票都要玩落去,因為長期以嚟,主政福利同勞工事務果個叫張建宗,張建宗係林鄭月娥嘅主要盟友,係大家都知嘅事,用呢啲社福機構嘅budget,嚟換呢班友暗幫林鄭月娥,又有乜出奇,你睇社區組織協會果啲友食相難睇到咁,就知道張建宗呢隻棋,本身亦係林鄭月娥嘅拉票機器,呢啲用政策或撥款嚟換票嘅玩法,台灣都玩得多,睇得多台灣政治,就唔知呢班福佳想玩乜。

特首選舉唔係得 全民退保 一個議題,唔該社福界人士向全香港市民負責,唔係為自己機構嘅資助嘅負責,唔該。所以前線社工,唔係繼續沉迷於 全民退保 呢個不切實際計劃嘅時候,依家呢個時勢,無人支持開一個新嘅稅項,我反而咁睇,如果由賣地收益或股票印花稅撥一筆錢,作為無強積金人士嘅退休保障基金,可以諗一諗。

發表迴響

你的電子郵件位址並不會被公開。 必要欄位標記為 *