香港航空

留名等睇 香港航空 膠爆

喺契丹人眼中,一直無工會呢個概念,亦無工人權益,共產黨只有講自己點呃番個政權返嚟,洗你腦果陣,至將工農兵抬出嚟(所以我一直認為Animal Farm係必修),但依家海南航空旗下 香港航空 派花紅派到膠晒,呢次 香港航空 班友點應付「世界工人大團結」。

香港航空 果套契丹式管理應付唔到國際工運

香港航空 管理契丹化,呢樣唔係新聞嚟,大家睇 香港航空 果啲delay又delay嘅玩法就明,但問題係, 香港航空 唔少員工,尤其係空姐同地勤嚟自五湖四海,至少有啲做過國泰或者港龍,國泰同港龍嘅工會咁惡,除咗空姐空少見多識廣,知道外面嘅世界工運係點玩之外,更重要係,香港嘅航空業工會,好早同世界接咗軌,所以工聯會喺航空界根本係nobody就係咁解。如果國泰、港龍罷工,其他航空公司嘅工會都會支援。

依家 香港航空 喺花紅度玩縮數,大把錢炒香港地皮就連員工花紅都想慳,你海南航空想點,仲未計長期撻香港個名但臭香港個朵嘅作為,如果 香港航空 嘅員工罷工,海南航空諗住搵契丹啲員工嚟服待?咁 香港航空 係假香港航空公司嘅紙皮就撕爛咗。如果又唔搵契丹員工,又唔想妥協,咁海南航空班友諗住點玩,呢層我自己都好想知。但如果堅罷工,香港人唔見得會企喺資方果邊,因為 香港航空 平日點玩殘啲旅客,大家心照,因航經濟艙做得咁差,去到廉航水平,都仍然有相當嘅捧場客,唔係因為香港人對因航特別有感情,或者因為因航係表面上嘅英資航空公司,而係國泰航空營運仲會跟國際標準,至少對工人,或對客,都係有oneworld嘅標準跟, 香港航空 ,哈哈哈。

所以呢次留名等睇 香港航空 膠爆,如果你諗住二月出埠, 香港航空或其子公司嘅機票,你都係要諗諗先,契丹人處理工潮會處理出乜嘢膠出嚟,大家完全無經驗,無謂攞自己嘅假期或工幹行程嚟賭。

發表迴響

你的電子郵件位址並不會被公開。 必要欄位標記為 *