Trump

全球反移民力量多得 Trump 唔少

Trump 嘅七國 travel ban真係搞出七國咁亂,英國有過百萬人簽請願書,叫政府唔好俾 Trump 訪問英國,極希望喺BREXIT後拉攏 Trump 政府嘅英國,呢次完全進退兩難,但由於有英國公民受害,所以Boris Johnson都要講明,英國唔贊成美國嘅做法,總之係一鑊泡。

Trump 俾子彈俾大愛左膠

其實全球左膠等咗 Trump 嘅過火政策好耐,因為只有 Trump 做到過晒火位,左膠至可以大肆抹黑任何反回教移民政策,就算係合理果啲都可以一棍打死。好似依家 Trump 玩到膠晒,歐洲如果有人反對回教移民,仲唔俾左膠扣上帽子話你係唔係要做 Trump 二世,基本上,喺呢個風頭火勢,無人想變 Trump 第二,大家見到英國嘅態度就明。所以,呢次 Trump 幾乎將右派喺左膠贏嘅一鋪清番晒對家,真係多得你唔少。

其實限制回教國家移民,雖然我自己血統上都算嚟自回教國家(印尼),但我個人係贊成,回教有開明開放,但依家沙特阿拉伯四處出口原教旨主義,令到回教徒自我激進化,然後做埋啲黐線嘢。但要限制回教國家移民,應該喺情報,同埋成個會面過程著手,例如喺入境果陣俾border control睇入境旅客嘅facebook內容,果個當然黐線,但授權政府查閱facebook過往嘅post做移民審查之用,呢個點做係可以研究,亦可以考慮。但依家 Trump 令呢啲合情合理嘅做法,都好難爭取到公眾支持,至少歐洲嘅右派如果今年要大勝嘅話,並無想像中咁容易。

唯一安慰係,如果日後再講BNO平權會容易好多,因為可以用 Trump 玩過火,以及猶太人當年被迫害求救無門嘅事例,嚟向英國公眾解釋,當然我們唔求英格蘭部分鄉下佬會聽,但中道選民肯聽嘅話,就已經容易好多。英國佬可以做啲過火嘅嘢,睇落好唔過火甚至合理,呢個就係英國人政治手腕嘅厲害。

發表迴響

你的電子郵件位址並不會被公開。 必要欄位標記為 *