肖建華

肖建華 被捉嘅手法同李波源出一轍

肖建華 事件嘅發展,果然係李波案翻版,喺海外傳媒報導被人捉上洗頭艇果個係 肖建華 後,明天控股立即透過微信發表聲明,話 肖建華 只不過係養病,跟住成堆契丹嘅官方傳媒,都報導 肖建華 「嚴正聲明」,呢啲此地無銀三百兩嘅聲明,反正證實咗 肖建華 已經被捉上洗頭艇,爭在用乜方法,同埋喺香港邊度捉 肖建華 上洗頭艇。大年三十捉人上洗頭艇,呢啲招數唔係充分知晒 肖建華 嘅行蹤,又知道新年臨近 肖建華 無戒備之心,都根本係做唔出。

肖建華 反映李波模式嘅存在

肖建華 被捉嘅方式,同李波係一樣,都係先綁上契丹,然後有人傳失被消失,之後官方傳媒再嚟所謂澄清報導,仲要被捉果條友自己發出。捉李波、林榮基嘅手法,已經係契丹強力部門嘅標準模式,一次係特例,兩次都係咁,就係常規嚟㗎喇。

如果李波模式係常規嘅話,如果我係異見人士或可能被強力部門對付嘅人,先聲明自己無回鄉證,近日亦唔會無喇喇自己返契丹,如果有外國國籍果啲,就退咗你嘅契丹國籍,以示自己一旦真係被捉,任何所謂嘅聲明,都會係脅迫下作出,好似我咁,我係無契丹國籍,連簽證都無,如果我突然喺契丹出現,一定唔係養病或其他原因,只會因為被強力部門嘅人捉咗,做咗人質,相信好多人都要作出呢類並無返契丹聲明書,以免被強力部門利用。

習近平要對付嘅對手係江澤民,我明白佢無幾多手段可以反擊對手,但呢啲手段用得太多,會被國際社會鄙視,俄國被鄙視其中一個原因就係普京用得太多呢啲膠招,以色列國民喺英國要police registration,因為以色列mossad捉納粹手段係無底線,無視他國主權綁人走又得(根本係mossad手法嚟),同前納粹SS合作隊冧幫埃及果啲德國科學家又得,根本係無底線可言,英國唯有當以色列係其他中東國家一體看待。

反貪反到用mossad或大清帝國對付孫中山果啲手段,大佬,過晒火位喇,咁樣玩大亂鬥,香港遲早被江習兩班友玩到變廢墟。

發表迴響

你的電子郵件位址並不會被公開。 必要欄位標記為 *