煙花

香港雞年 煙花 匯演點解可以搞到咁差

今年雞年農曆新年 煙花 ,真係差到一個點,睇啲相以為係北韓金正恩喺香港亂咁發炮,似戰爭場面多過喜慶場面,認真唔吉利。當然,我唔係 煙花 呢方面嘅技術專家,但花火大會我都係叫睇過,點解日本唔會搞到咁煙霧瀰漫,依家香港放 煙花 就好似打完仗咁,有兩個因素,其實決定咗呢場 煙花 應該順延到仍然係紅日嘅初四舉行,而唔係監粗都要放

落過雨 雲層低 放 煙花盞搞

首先, 今年初二嘅雲層好低,仲要放 煙花 前嘅日間時間,維港係落過幾大嘅雨,既然落過雨,加上雲層低成咁,放嚟都唔會靚,有無人提過贊助商或政府,係可以順延煙花匯演日期,一場視覺唔好嘅 煙花 表演,其實真係等同燒銀紙,如果要留番個好睇效果,政府同埋贊助商之間有無溝通好,而香港政府依家班友亂嚟程度,再加香港商界呢幾年太多聲大大無貨賣嘅人主政PR同marketing,搞到一鑊粥,我真係唔會感到好意外。

另一方面,近年好多 煙花 都係由契丹入口,契丹啲 煙花 質量差,又唔顧環保,所以燃放之後,維港嘅PM 2.5標升,簡直變成咗公害。其實贊助商如果係出得起錢,點解唔叫日本啲人去燃放,同埋用日本 煙花 ,日本年年全國都搞花火大會,而且花火大會地點都係一啲河口甚至近民居嘅地方,但日本嘅花火大會放完之後,唔會煙霧瀰漫,證明人地係有心去控制火藥同相關燃放材料嘅質量,而以契丹一貫以嚟嘅差不多先生態度,燒到烏厘單刀係預咗。當然,日本好多時花火大會,見天氣稍有不對都會取消或改期,人地係認真看待一場 煙花 ,唔係燒完就算。

喺英治年代,農曆新年 煙花 係人人期待,但依家只成公害,其實講到尾,又係政府管治質素同心態問題。如果一個政府係有心經營一件事,係唔會搞成咁。再咁搞落去,市民遲早要求取消各類 煙花 匯演,因為依家係私放非法 煙花 隨時仲好睇。

發表迴響

你的電子郵件位址並不會被公開。 必要欄位標記為 *