事件政治化

又講將 事件政治化 悶唔悶啲?

事件政治化 可以講係一個土共講到爛嘅標準keyword,政治人物鬧人將 事件政治化 ,呢個邏輯已經好膠,但更膠係,喺一個政治選舉,你同我講唔好將一個 事件政治化 ?你究竟講緊啲乜?而且 事件政治化 ,已經係林鄭月娥常用嘅政治爛gag,究竟 林鄭月娥 濫用呢個爛gag到乜嘢程度,其實可以用一個timeline,去剖析 事件政治化 呢五個字同林鄭月娥嘅關係

林鄭月娥與 事件政治化

用一個timeline,就可以剖析出,林鄭月娥點濫用 事件政治化 呢個字。

Picture

林鄭月娥冀勿將施予內地乞丐500元事件政治化

被問到日前到沙田落區,為何向1名內地行乞婆婆施予500元,林鄭月娥希望香港市民多一份善心,又說當天是年三十晚,她是出於善心及憐憫才給錢婆婆,希望大家不要把事件政治化。 http://news.rthk.hk/rthk/ch/component/k2/1310595-20170129.htm

29/01/2017
Picture

林鄭月娥稱願受批評但不應將事件政治化及矮化故宮藏品

身兼西九文化區管理局董事局主席的政務司司長林鄭月娥表示,若外界認為,籌備故宮文化博物館的核心小組在過程中做得不好,她願意接受批評,但不應將事件政治化,及矮化故宮藏品及其重要性,剝奪市民近距離欣賞文物的機會。 http://news.rthk.hk/rthk/ch/component/k2/1306822-20170110.htm

10/01/2017
Picture

林鄭月娥:社會過於政治化

政務司司長林鄭月娥澄清,上星期演講時只是舉例指有人可能不支持基本法量入為出的要求,並非指她「個人」不認同,有報道誤會了她的意思。她慨嘆有人將說話演繹為她對財政司司長曾俊華不滿,反映社會太過政治化。 http://news.now.com/home/local/player?newsId=189779

15/08/2016
Picture

林鄭望泛民支持改革醫委會草案不應政治化

會面大約40分鐘,林鄭月娥重申醫委會改革不應被政治化。 http://news.now.com/home/local/player?newsId=184890

05/07/2016
Picture

林鄭月娥指鉛水問題被政治化

立法會否決引用《權力及特權法》,調查食水含鉛事件。政務司司長林鄭月娥總結發言時,指自己「官到無求膽自大」,有膽指出鉛水問題被政治化。她又批評有人在公開場合迫官員「飲鉛水」,已指示官員以後不能接受此等屈辱。 http://cablenews.i-cable.com/ci/videopage/news/468388/即時新聞/林鄭月娥指鉛水問題被政治化

16/10/2015
Picture

林鄭月娥認為政改20個月的討論,高度政治化和兩極化的爭論

主席,在今日表決後,本屆特區政府就政改的工作將告一段落,政改諮詢專責小組亦隨即解散。經過20個月的高度政治化和兩極化的爭論,很多市民或者已覺得厭倦,認為需要讓社會稍作喘息。 http://www.info.gov.hk/gia/general/201506/18/P201506180528.htm

18/06/2015

由以上嘅timeline,可以見到過去兩年,林鄭月娥經常將  事件政治化 掛喺嘴邊,庶近口頭禪嘅地步,我已經只係用Google粗略分析,並無出動wisenews,或者其他資料更多,可以search得更精細嘅分析工具,更加無動用到啲context analysis嘅程式。如果將 事件政治化 同林鄭月娥攞嚟做統計學上分析,應該可以得到更有趣,更硬膠嘅結果。

政治乃眾人之事,只要有人就有政治化,只不過,華人好奇怪,由於儒家學說最主張就係平民唔理政治(政治係聖人理嘅),所 以故意將 事件政治化 作成抹黑用語,但實際上,只要你係政治人物,你嘅一言一行本身就政治化咗,呢啲係你自已攞嚟, 事件政治化 點會係攞嚟指責對手,甚至用嚟做擋箭牌,基本上,好似我呢一輩人,聽到 事件政治化 呢五個字,直頭係反感。

如果林鄭月娥真係咁怕政治,點解仲要出嚟選特首?唔好選算喇,林鄭月娥 事件政治化 嘅爛gag,真係可以同王菀之嘅我討厭政治互相輝映。幾時林鄭月娥會搵王菀之嚟撐佢,如果係嘅話,我覺得個畫面都應該膠到一個頂點嘅程度。

One thought on “又講將 事件政治化 悶唔悶啲?

發表迴響

你的電子郵件位址並不會被公開。 必要欄位標記為 *