travel ban

travel ban 要點訂至唔會膠爆?

針對七個回教國家嘅 travel ban ,由於訂得太粗疏,所以膠到核爆,仲話要乜嘢extremely vetting,依家真係全民問候特朗普娘親嘅地步,其實 Trump 點解唔請教一下英國人,英國人對啲輸出恐怖分子、非法移民嘅國家好有經驗,而police registration,以及英國人決定邊啲外國人唔駛police registration嘅準則,係好好嘅參考。

英國點玩 police registration

travel ban係太辣,police registration係中道啲,當然你或者話,美國太大未必適用於 police registration,但英國人決定邊啲人要接受 police registration嘅準則,可以有 travel ban想要嘅效果,但無依家嘅副作用,列點如下:

國家要涵蓋夠多

因為 travel ban 太辣,所以涵蓋國家唔夠多,事實上倒轉,有啲國家,好似俄國、沙地阿拉伯,甚至契丹,根本要嚴防,英國嘅police registration係契丹、古巴、北韓呢啲你諗得出嘅膠國都包晒入去,咁既有效,又公平。

主要針對簽證客,唔係永久居民同真難民

英國嘅police registration好清楚,攞咗永久居民,或者係難民身份,就會豁免,呢次 travel ban 太辣嘅其中一個原因,係一度有傳連綠卡嘅人都對付,大佬綠卡持有人有交你美國稅架,梗係俾人鬧爆,果啲真難民都ban,例如庫爾德族果啲,你依家玩二次加害咩,乜叫粗疏?呢啲位就睇得好清楚。

police registration可以掌握行蹤,有效過i-94

英國個police registration仲有個好處,就係一定要你住處附近警署去做(倫敦另計),所以警察可以掌握呢啲國家國民嘅去向,呢樣資料好重要,當然美國憲法俾唔俾咁玩,要研究過先知。

但只要做到頭兩點,你個 travel ban 就好難有人郁你,所以美國人搞公共行政粗疏呢味嘢,呢次就表露無遺。英國人搞公共行政果吓嘢,香港人應該知道呢啲根本係寶藏嚟。

3 thoughts on “travel ban 要點訂至唔會膠爆?

  1. 美國現行制定係即使係綠卡或工作簽證持有人,都要喺搬屋後向政府申報新地址。我理解係即使旅遊簽證都應該需要做。現時好多人無做只係因為無執法。

發表迴響

你的電子郵件位址並不會被公開。 必要欄位標記為 *