緬甸

緬甸 執政黨回教成員被做瓜,有排煩

緬甸 執政黨全國民主同盟嘅法律顧問,本身信回教嘅Ko Ni,由印尼返國後遭到槍擊被做瓜,依家未知係乜人做,但呢件事,肯定為 緬甸 嘅局勢蒙上陰影,因為呢次事件,無論幕後嘅主謀查到係邊個都好,都會令 緬甸 嘅局勢大為惡化。

緬甸 回佛關係緊張

喺中南半島,回教同佛教嘅關係都好緊張,少數回教徒一直都認為自已被壓迫(泰國南部北大年府一帶嘅馬來人),或者堅係被壓迫,而 緬甸 正係咁嘅情況。羅興亞人問題,更加突顯回佛關係可以緊張到乜地步, 緬甸 政府認為羅興亞人,只不過係孟加拉人,係緬甸喺英屬印度一部分時期移入去,所以要趕佢地出去,當然,其實呢班人由孟加拉移入 緬甸 已經成幾百年,唔可以話佢地係外來物種,只可能講,依家 緬甸 若開邦地區原有阿拉干嘅土地劃入 緬甸 ,而唔係印度本身就或者係錯誤(或者,因為劃入印度係唔係劃入東巴基斯坦先?劃入孟加拉,其實亦可能造成緊張)。

昂山政府有個憲法專家,兼長期戰友係回教徒嘅好處係,處理宗教寬容問題上,至少有把接近昂山素姬嘅聲音,但依家唔知邊個做瓜咗佢,如果係原有軍政府嘅人做,當然呢種做法肯定想搞亂昂山素姬政府,一定無好嘢,但如果唔係軍政府嘅人做,而係執政黨內部搵人做,或者 緬甸 嘅佛教勢力睇佢唔順眼,所以做瓜佢,咁昂山政府內部係唔係有不穩因素, 緬甸 依家嘅民主有幾穩定,會唔會無喇喇又嚟殺人事件或軍事政變,然後又搞到天下大亂,我真係木宰羊。

一個慣咗用政治刺殺嚟解決政治問題嘅國家,除非對軍隊勢力有決定性整頓,一如日本二二六事件(帝都不祥事件)清理皇道派,自此日本人再唔用天誅之類嘅手法解決政治問題,否則果個政府都好難講穩定,至少民主係唔穩定,我依家睇昂山素姬政府,打算點處理呢單槍擊案,而槍擊案後面又查到幾多嘢出嚟。

發表迴響

你的電子郵件位址並不會被公開。 必要欄位標記為 *