單程證

收番 單程證 審批權至講社福開支增長

社福界班左膠,真係乞人憎到一個點嘅程度,係咁問點解曾俊華唔加社福開支,但實情係香港每年社福開支增長達雙位數字。大家都想問,啲社福開支去咗邊,點解好似點加都唔夠咁。其實個問題同公屋點都唔夠嘅問題係一樣,如果 單程證 審批權唔收番,根本係唔可能有真正嘅社福開支增長。

單程證 唔削減點會夠

其實條算式好簡單,簡單嘅算術,小學生都識嘅算術,每日150人來香港,一年有365日

150 x 365 = 54750

因為我怕左膠視力有問題,所以我特別放大。只要呢五萬四千幾人,有五分一人有社福嘅需要,香港嘅社福開支,都唔會夠,你班左膠只係為咗自己嘅大中華民族主義幻想,再加自己份工,就要全香港人幫你埋單,究竟有無搞錯。呢個亦係點解香港人普遍反感左膠,同反對全民退休保障嘅原因,因為呢個關鍵一日唔解決,香港都唔可能建立一個真正嘅福利社會,係連傾建立福利社會要嘅嘢,都無可能傾到。

雖然香港喺未經公民投票下交俾契丹,又唔俾BNO平權本身係不義,但British Nationality Act 1981同Immigration Act 1971嘅精神,本身係為咗維護一個福利社會正常運作而設立,我唔係反移民,但移民未經篩選,無限量,無法控制咁湧入嚟,任何福利制度都會崩潰,件事就係咁簡單。所以社福界如果要可以傾擴大社福開支增長,最基本前提係呢班友必須支持收番單程證審批權,以及將進入香港嘅移民標準,全世界一致,即係契丹入嚟果啲,都要同其他國家嘅申請移民嘅人一樣,用同一個標準申請,如果收番 單程證 審批權,但對契丹人係優待嘅,一如依家嘅情況,你覺得可以解決到個問題?我只係覺得呢個真係純粹天方夜譚。

左膠搞清楚一樣嘢,呢個世界嘅餅唔係無限大,五餅二魚可以餵飽成村人,只係耶穌做得到,但耶穌係上帝嘅仔,你班左膠唔係,我地呢啲普通市民,更加唔係。

發表迴響

你的電子郵件位址並不會被公開。 必要欄位標記為 *