林鄭月娥-公共財政

林鄭月娥 搵成班梁粉做政策顧問都會死得人多

林鄭月娥 一直以嚟最令人擔心,係佢嘅公共財政經驗,同埋果套哲學, 林鄭月娥 之前啲言論,簡直可以用嚇死街坊嚟形容,所以至俾同樣做過財政司司長以及政務司司長嘅唐英年質疑。今日 林鄭月娥 就用三樣嘢去保證,佢嘅管錢方式唔會有問題:

林鄭月娥 對公共財政所謂保證

林鄭月娥 係咁保證自己公共財政能力同處理方式無問題

1. 《基本法》第107條嘅限制
2. 林鄭月娥 自己喺庫務科做過,佢係做到副庫務司,果陣嘅庫務司係鄺其志
3. 林鄭月娥 會搵一班友返嚟做顧問

《基本法》第107條嘅限制,基本上即係阿媽係女人,只要契丹唔係發癲改咗呢條佢,我唔擔心,呢條係過去廿年嚟,少數有紀律咁履行嘅《基本法》條文嚟。 林鄭月娥 喺庫務科嘅經驗,我唔質疑,因為佢用喺呢方面程序認知,避鬼晒西九故宮啲招標問題,令到嚴迅奇可以攞到份合約,如果果條友係奸嘅,但唔熟書,無咁驚,果條友係奸嘅,但熟書,香港人啲錢就好得人驚,所以西九故宮單嘢,咪話唔關香港人事,西九故宮已經示範咗, 林鄭月娥 可以用錢上幾唔老實。

林鄭月娥 搵顧問嚟搞公共財政,呢個係我至驚,搵班梁粉加左膠做顧問,然後啲錢輸送晒去契丹呀,唔係嘛。呢個係好可能嘅結果,因為梁粉班老鼠,個個就係兼曾俊華太孤寒,所以據聞陳茂波已經將曾俊華留低嘅財政預算案草稿,寫到烏厘單刀,香港人份身家,隨時依家已經俾陳茂波敗緊, 林鄭月娥 搵班梁粉去做政策顧問,就會死得更快。

問教育政策,問問候選人對TSA以及吳克儉立場就知,其實要問林鄭月娥嘅公共財政政策,都唔駛問到話守唔守《基本法》107條呢啲行貨,但無殺傷力嘅問題,只要問問 林鄭月娥 個顧問人選,以及會唔會由陳茂波繼續擔任財政司司長,成作事就會好清楚明白,唔駛咁多廢話嘅。我都幾相信, 林鄭月娥 交出嚟嘅答案,將會好有問題。

發表迴響

你的電子郵件位址並不會被公開。 必要欄位標記為 *