休養生息

今日食環終於知乜叫 休養生息

曾俊華講 休養生息 ,梁振英就喺度扭曲人地嘅意思,仲要宣傳佢果套與天鬥,與人鬥,其樂無窮嘅毛澤東變態哲學,到今日曾俊華都要再講,乜叫 休養生息。只不過,今天食環喺旺角嘅表現,任由小販攤檔喺新春期間擺檔,其實已經展現咗,乜叫 休養生息 。

無人話 休養生息 等於乜都唔做

讀過舊制中史,都大概明 休養生息 大概係乜事,唔係唔做嘢,好似一啲重大而必須嘅變革,梗係要做落去,但一啲大規模嘅改動或基建,就唔好攞嚟搞先,免得傷元氣。好似漢文景之治果陣,吳楚七國之亂反映嘅諸候權力問題,文景兩帝係有處理,仲要係武力處理,但其他果啲無謂好大喜功嘢,文景兩帝就一律少做,甚至連政府係唔係應該干預經濟嘅問題,都係去到漢武帝果陣,鹽鐵專賣嘅問題至叫認真攞上嚟拗。

其實香港嘅小販問題,香港小販嘅作業方式,梗係有問題,衛生同監管係有問題,食環需要干預,但香港小販政策有排拗果陣,照舊例俾市民年初一、二、三食番幾日又有乜所謂,今年食環署無搵嘢攞嘢嚟搞,咪天下太平囉。

休養生息 唔係代表應做唔做,海水化淡、第四條海隧呢啲民生嘢,係一定要做,無休息嘅空間,但梁振英今日鬥呢個,明天鬥另一個,為咗果啲資助佢嘅財主佬,今日要開發A區,明天要拆埋郊野公園,呢啲嘢同民生無關,而且引起社會怨氣,就唔好搞好過。至於政改八三一與否,其實我睇法好簡單,真係要實現政改同埋民主,最合適嘅時候係支爆,依家拗到面紅耳赤都無意思,無論促進香港定契丹嘅民主,最有效嘅方法都係令支爆早日實現,共產黨早日玩完,我唔明民主派同港獨派,喺呢個共同戰略目標上,會出現乜鬼嘢嘅矛盾。

但今日食環嘅表現話俾大家聽,無論港獨爭議,定係魚蛋革命,真正嘅始作俑者,都係梁振英,而選一個繼承梁振英路線嘅好勇鬥狠人士,幾打得都好,幾捍衛自己嘅髮型都好,受傷害嘅都係香港人。

發表迴響

你的電子郵件位址並不會被公開。 必要欄位標記為 *