領事館

農曆新年 領事館 網絡心戰睇香港狀況

自有facebook以嚟,向香港人致發農曆新年賀詞,唔再係特首專利, 領事館 都可以透過facebook專頁去做,香港雖然係一個城市,但由各國 領事館 落嘅心機同態度,可以睇到呢啲國家對香港嘅戰略同政策,因為 領事館 其中一個角色,就係打心戰。

德國 領事館 異常積極 英國 異常低調

德國駐港 領事館,喺2014年遮打革命之前,一直只係集中火力喺商貿推廣,但近兩年大轉變,每週一字幾乎吓吓都抽到香港時事乾塘,而今年農曆新年,直頭出video賀歲。德國 領事館 嘅作為,相信同越嚟越多英籍香港人選擇定居當地,甚至入籍有關,對德國嚟講,香港好大機會因BNO有居歐權而無居英權怪狀況,大批香港人嘅移入,而成為歐盟遠東重要堡壘。加上依家香港嘅情況,其實同兩德歸一前嘅西柏林好似,相信未來德國 領事館甚至政府本身 ,係會越嚟越高調。

英國係一反常態低調,當然英國可以辯解話首相已經喺農曆新年賀辭特別提及香港,但更大可能,係英國對港政策可能有重大變動,一動不如一靜,彭定康喺BBC Two Newsnight嘅控訴,唔係BBC World俾海外嘅人睇,而係當英國本土事務嚟看待,如果唔係因應BREXIT而喺香港政策上有重大變動,相信保守黨唔會任彭定康玩啲咁令保守黨政府尷尬嘅嘢。

至於美國,美國保持高調,反映香港喺Trump政府嘅心戰政策唔會大變,甚至大家可以睇,陳方安生獲邀成為Trump就職禮座上賓後,跟住就高調接受BBC Two Newsnight訪問,陳方安生未來扮演嘅角色,係日趨重要。

香港一向係各家爭取之地,依家中共就習江兩系大打出手,而西方各強,又有自己嘅盤算同心戰戰略,香港人如果仲係用果套愚昧嘅民族主義觀點,分析國際大勢,一係死咗都唔知乜事,一係就完全不知所措。

One thought on “農曆新年 領事館 網絡心戰睇香港狀況

發表迴響

你的電子郵件位址並不會被公開。 必要欄位標記為 *