乞兒

驅逐契丹 乞兒 指南

我好少教人報警,但如果講報警對付契丹 乞兒 ,我都算係專家,至少我有兩宗成功檢控嘅經驗(全部判完直送契丹),呢篇驅逐契丹 乞兒 指南,簡單嚟講,就係教大家,如何有效率咁報警,保證警察係會處理啲 乞兒。特別林鄭月娥咁俾五舊水,香港呢幾日唔 乞兒 為患就奇。

警告係無用,直接報警係最有效對付 乞兒 嘅方法

首先,你要好清楚你對付 乞兒 嘅目標,唔係純粹趕走佢地,因為呢班粉皮係會再返嚟,你要必須令 乞兒 喺《簡易程序治罪條例》第26A條下被定罪,裁判官因此遣返呢啲人,你至叫真係解決咗啲 乞兒 ,你警告又好,或者警察喺無法檢控嘅情況下,只能驅趕佢地,都係算行動失敗,因為佢地一定會再返嚟,直至佢地賺夠為止。所以,搜證係第一步。

一、足以檢控 乞兒 嘅證物

影相係唔夠,因為影相無動作,要成功檢控呢啲 乞兒 ,行乞嘅動作嘅最重要,所以一定要拍片,仲要拍到行乞果啲動作,例如係咁攞住個杯要錢,或者收到錢做謝謝果啲動作,有咗片,一般上到court都死九成九。所以,報警前,要拍片。報咗警,都要拍片。當然,唔好俾 乞兒 發覺。

二、打完999,即攞RN Number

無論你打999,定打去警署報案室報警,你都要必須即攞RN Number,因為RN Number即係入咗機,班警察就無得hea你,如果你唔攞RN Number,警察no show你係無仇報。而攞咗RN Number,亦都有壓力儘快去到進行逮捕行動,因為隔太耐至到現場,都可以被人投訴蛇王。

三、拘捕 乞兒 與否

如果乞兒身處嘅位置,喺你擁有業權範圍,例如大廈公用地方,或者村嘅公有地(但又唔屬於政府),係可以要求保安,或者你自己去逮捕個 乞兒 ,而呢個喺《簡易程序治罪條例》第27條有清楚嘅授權

任何人被發現正在犯根據本條例可予處罰的任何罪行,而該罪行在某人所擁有的財產上發生或 與某人所擁有的財產有關,則擁有該財產的人、其僱員或獲其授權的其他人,均可將該人拘捕,並 可將該人扣留,直至付交警務人員羈押,以依法處置為止。

如果大廈保安或你自己有疑問,自己睇番第27條嘅罪行就得,當然 乞兒 會還拖,所以你要評估你自己擁有嘅武力夠唔夠採取拘捕行動。無嘅話,繼續由得佢乞多陣,同埋,你一定要拍咗片,至可以逮捕,無證據喺手拘捕個 乞兒 ,隨時俾人玩番轉頭。

如果喺行人路,你乜都唔好做,繼續扮花生友得。

四、作供

如果警察超過十分鐘唔嚟,你最好打多次電話,確保警察係嚟緊。

警察一嚟,你準備好出示身份證,俾警察登記,概述當時情況,同埋俾片阿Sir睇,通常睇完片,警察都會採取拘捕行動。如果可以嘅話,最好一齊返警局落口供,口供唔會太長嘅,只要你段片夠清楚,一個鐘乜都落完,好多時警員啲錯字太多,反而至係問題。一般嚟講,好少需要上庭作證,警察亦唔會攞走你部手機同攞走段片,因為法庭一般信納警察睇過段片。

拉多兩拉,啲人就會少咗喺你果頭搵食。當然,勸諭其他居民好重要,特別洋人同菲傭,佢地好易善心大發,係咁施捨。犯罪集團知道搵唔到食,自然就少咗好多 乞兒 。

發表迴響

你的電子郵件位址並不會被公開。 必要欄位標記為 *