仙姐

仙姐 你交代一下邊啲人教人「合法劏房」先喇

我個人一直唔鍾意香討,除咗五毛多,一啲食人唔騾骨嘅人渣,開口埋口講錢,唔講廉恥嘅人更多。而 仙姐 (cinda72,真名林美顏,持牌地產經紀),開劏房班,同時俾我、香港01、巴士的報(星島系)圍剿,基本上,泛民、習系、梁粉都齊晒,咁嘅牌面, 仙姐都仍然唔服氣,認為自己無錯,仲意圖想挑戰呢度嘅comment管理制度(當然我已經將 仙姐 啲偉論存檔),以下係 仙姐 啲偉論

仙姐 撐劏房偉論一覽

1. 仙姐 喺香討嘅言論

仙姐
仙姐

2. 仙姐 喺facebook嘅言論

仙姐
仙姐

劏房同賓館係兩回事

仙姐 想招攬生意係肯定,用賓館嚟同劏房比可見一班,只不過,賓館同劏房嘅管制係兩個概念嚟,

1. 劏房純粹係受《建築物條例》規管,喺《建築物條例》之下,劏房係唔駛牌照,亦唔駛有東主去負起各類嘅責任,但賓館係要根據《旅館業條例》第8條申請牌照,《旅館業條例》第8條第3款講乜:

(3) 監督有權以他認為有以下情況為理由,而拒絕就有關旅館發出牌照─
(a)將會用作有關旅館的處所,因為關乎─ (由1998年第39號第13條修訂)
(i) 地點、出入方法、設計、建造、大小、設備或建築物種類;或
(ii)在《消防條例》(第95章)下對生命及財產的保障, 的理由,不適合用作旅館;
(b) 該等處所不符合《建築物條例》(第123章)所列的關於設計、結構、防火、健康、衞生 及安全的規定;或 (由1998年第39號第13條修訂)
(c) 旅館的經營、開設、管理及其他方式的控制,將不會在獲發牌照的人的持續親自監督下進行。

而根據《旅館業條例》第18條,民政事務局係會定期派人巡查。而根據《旅館業條例》第22條,進一步將要求具體化

(1)行政長官會同行政會議可訂立規例對以下事項或就以下事項作出規定─ (由1999年第34號 第3條修訂)
(a) 持牌旅館的儀器或設備的充足程度、適合程度及使用情況;
(b) 就持牌旅館向監督提交的報告及資料;
(c) 持牌旅館的設計、結構及衞生情況;
(d) 須針對火警或其他相當可能危害持牌旅館住客性命或健康的災患採取的預防措施;
(e) 根據第13(3)條提出上訴,以及上訴委員會的實務及程序;
(f) 就本條例訂明或容許的任何關乎持牌旅館的事項收取費用;
(g) 施行本條例規定的一般規定。

劏房有咁嚴格定期巡查機制,同埋安全制度保障咩,仲要呢啲涉及牌照嘅嘢,政府係幾乎肯定要你買埋燕梳,你 仙姐 會幫劏房租客條命仔買埋燕梳架?《床位寓所條例》之所以一樣要領牌,因為涉及消防安全同衛生問題,如果照仙姐嘅邏輯,根本劏房要當床位寓所或旅館業咁規管,你覺得 仙姐 會教你向民政事務局申請果個咁麻煩嘅牌照?如果申請得牌照,就唔會收「劏房」嘅租金。

點解政府要掃蕩工廈劏房,因為大部分有劏房嘅工廈,但仍然係有工廠或貨倉持續營運,呢啲貨倉同工廠當中有包括危險品儲存,走火通道亦唔預有人住,如果出現迷你倉大火咁嘅情況,有人燒死咗係咪 仙姐 負起相關人命責任。

只不過, 仙姐 講到幾寸都好,佢始終無交代,究竟有乜註冊嘅承建商或認可人士,會教大家去劏房,單係呢點,佢如果敢開劏房班,我留名食花生,有人喺劏房班錄音,然後公諸同好,睇吓啲人係做乜生意。

我唔鼓勵投資劏房,因為呢種係無良生意,居住質素係應該有基本要求,無論衛生、消防定居住環境,有幾多單位可以攞嚟劏又合法例,我好懷疑。只不過,如果真係要玩劏房,唔係同 仙姐 呢啲心術不正嘅人指教,而係要搵一隊專業人士,包括測量師、建築師同律師,去做相關工作,唔係由得啲無相關資格經紀亂吹一通, 仙姐 唔好講到自己咁偉大。如果要認真研究劏房,以下屋宇署文件,已經好好開始,唔駛搵 仙姐

分間單位(劏房) 常見問題

但既然床位寓所同賓館都要規管,咁劏房規管根本係遲早問題,只不過當中涉及好多不當利益,至搞到無皇管。甚至有啲好似劏房咁細嘅單位,我質疑根本應唔應該俾佢賣,陳茂波呢條友係香港歷史罪人,呢個係肯定,但 仙姐 做幫凶亦唔見得係好人。

One thought on “仙姐 你交代一下邊啲人教人「合法劏房」先喇

  1. 應該咁講,喺 Land Law 嘅角度,劏房仍然係租約,係 lease 黎嘅,即係對其他人對嗰個範圍內嘅土地使用有 exclusive rights;相反,賓館個客攞嘅唔係租約,只係一個由賓館持有人批准逗留嘅許可,係牌照 (License) 黎嘅,分別就係許可持有人冇 exclusive rights,換句話講就算個客準時交租冇任何問題,間賓館又唔係冇位,賓館持有人仍然可以有權隨時趕個客走而唔需要解釋,而個客係只可以去法院度告毀約 claim 賠償,但冇人可以阻止持有人行使佢趕人走嘅權力。呢個亦都係點解當年雍澄軒咁大爭議,因為其中一個問題就係所謂「買左」嘅單位,並唔係好似平時其他地方買樓咁,有 exclusive right,法律上只係買一個逗留許可,長實係有權隨時趕裡面啲住客走而唔需要通知同解釋。

    所以兩種唔同性質嘅土地使用權係要用唔同法例黎監管,唔可以直接互相比較。

發表迴響

你的電子郵件位址並不會被公開。 必要欄位標記為 *