Labour

Labour 因BREXIT亡黨?

BREXIT會唔會令保守黨 Tory 分裂,我唔知,反正不嬲 Tory 內部都因親歐同疑歐互片,但高志民為支持政府嘅BREXIT法案,出到three-line whip,而 Labour 個party whip竟然話佢唔會執行個whip,咁 Labour 喺農曆新年後會變成點,就連我自己都木宰羊。

高志民嘅three-line whip玩死 Labour

所謂嘅three-line whip,係因為英國啲政黨,喺促請議員按照黨立場投票果陣,會有封信嘅,而信上如果劃三條線,即係呢個議案極為重要,唔跟黨意旨投票,就只有退黨,所以叫three-line whip,台灣叫甲級動員令。香港因為無正式政黨政治,無whip呢個概念,所以政改土共甩轆,就係咁解。(等埋發叔衰乜,可以睇我喺聯合早報嘅文章分析)

高志民出three-line whip,因為高志民要保住英格蘭北部工業城市嘅票,果班人傾向支持脫歐,老實講,親歐一向唔係舊 Labour 嘅議題,1975年力主加入當時歐共體係保守黨,當時工黨係主張反對。但新 Labour 為主嘅倫敦人,睇法唔係咁樣,因為真係脫歐,倫敦會堅大鑊。所以國會議員必須向自己選區嘅人負責嘅情況下,倫敦班 Labour 真係唔違抗黨意就奇。

更何況高志民代表嘅原教旨主義路線,根本就係貝理雅上台前嘅 Labour 路線,左膠覺得一流,但英國主流民意根本唔會buy,所以 Labour 因BREXIT而亡黨唔奇,英國政壇隨時大洗牌,好戲依家至啱啱開始。

發表迴響

你的電子郵件位址並不會被公開。 必要欄位標記為 *