林鄭月娥

林鄭月娥 你傻咗喇,走去俾錢啲契丹集團式乞兒?

林鄭月娥 呢幾日係咁犯錯,堅離地到傻,為咗展現佢係有同情心嘅一面,佢走去施捨一個乞兒。只不過,一個講契丹語嘅乞兒。 林鄭月娥 咁豪磅五舊水,果位乞兒梗係發達,只不過, 林鄭月娥 咁做,係助長犯法都唔知。簡單嚟講,係助長犯罪集團。

林鄭月娥 點助長犯罪集團

其實呢啲跨境乞兒問題,我喺呢度講到口水講,中區警署有啲警員都知,我係會為舉報呢啲行乞人士,毫不猶疑報警甚至答應作證,我甚至試過喺中環街頭,同洋人衝突

首先,就香港法律嚟講,呢啲行乞人士,已經干犯咗《簡易程序治罪條例》第26條,我喺呢度再不厭其煩,引述當中條文

任何人到處流浪,或在任何公眾地方、街道或水道乞取或收取施捨,或導致、促致或鼓勵任何 兒童作上述事情,均屬犯罪,定罪後─
(a) 如屬第一或第二次定罪,可處罰款$500及監禁1個月;及
(b) 如屬第三次或其後定罪,可處罰款$500及監禁12個月。

簡單嚟講,呢位契丹乞兒已經干犯香港法律,我唔明點解 林鄭月娥 可以俾錢俾得咁爽手,除非純粹係一場戲,咁街頭戲劇係合法嘅。

但另一方面,係反映 林鄭月娥 對中國國情根本所知唔多,點解我對行乞黨咁痛恨,因為好多都涉及拐子佬同非法人口販賣,呢個係《中國青年報》自己都有報,我之前都喺呢度寫過。

乜 林鄭月娥 好忍心見到中國嘅人口販賣集團繼續利用啲老人家同傷殘人士搵銀?其實佢咁玩施捨,係更反映佢完全離地到爆,甚至離地到連紀律部隊啲人諗乜都唔知。中區警署唔少警員都忍咗呢班行乞黨好耐,近排不斷掃蕩,有部分人所以走咗入灣仔搵食。 林鄭月娥 依家咁玩施捨,只會引起唔少香港人反感,至少好似我呢啲人,一定唔會支持林鄭月娥。

發表迴響

你的電子郵件位址並不會被公開。 必要欄位標記為 *