天地智庫基金會

教人合法劏房嘅 天地智庫基金會 係乜料

天地智庫基金會 ,本來無人知佢係乜水,只喺facebook出啲炒股post,咁facebook好多人都出教人贏馬、贏波果啲post,一街都係財演,點會引起人注意。只不過, 天地智庫基金會 真係有啲計,竟然推出教人合法劏房嘅班。本來劏房已經引起公憤,仲要合法劏房, 天地智庫基金會 結果招咗一堆嬲返嚟。

不過, 天地智庫基金會 嘅銷售手法極度騎呢,引起我嘅注意,所以同佢起咗底。

天地智庫基金會 故意用社團註冊掩人耳目

天地智庫基金會 好奇怪,係用社團註冊,而唔係公司註冊,好可能係貪社團註冊透明度低,兼且要喺pdf度查社團登記冊,簡直係黐線,如果唔係我個人好耐性,都唔會同佢咁癲。

天地智庫基金會
天地智庫基金會

天地智庫基金會 咁樣掩人耳目,只不過,地址係呃唔到人,呢個組織嘅地址,係同一間公司,亦即係呢個合法劏房班合辦機構共用,而呢間公司叫博匯(酒店工程管理)有限公司,所以好大機會,根本係呢間博匯(酒店工程管理)有限公司想搞

呢間公司嘅網頁,令人睇到火都起,首先全部用殘體字,但更大問題係,呢間公司根本係明目張膽做劏房嘅公司嚟,公司介紹最後有呢行字,簡直係搏嬲嘅經典。

除酒店、賓館、村屋等項目外,博匯(酒店工程管理)透過附屬公司-博匯設計管理有限公司近年更承接不同的商業項目,包括食肆工程、商鋪設計。甚至將酒店管理的概念注入現今「套房」世界,讓個人投資者輕鬆管理物業,提升「租務」收益。

天地智庫基金會
天地智庫基金會

無錯,呢間係一間,擺明車馬做劏房嘅公司,所以點可能唔搞出合法劏房班呢啲仆街嘢至得。呢啲人咁hihi,梗係要起佢底,根據公司註冊處紀錄,呢間嘢係經常改名。

天地智庫基金會
天地智庫基金會

只不過,點改名都好,公司註冊處登記邊個係股東最實際,呢間公司,其實係一個叫林美顏嘅人控制。

天地智庫基金會
天地智庫基金會

呢間公司同組織,搞乜嘢合規格劏房課程,目的係撈生意係肯定,只不過,呢個世界有好多種生意有得你做,何苦要做劏房呢啲咁仆街嘅生意至得。簡單嚟講,呢啲公司同組織簡直係人渣嚟。我真係想知道,呢間公司代表係一個點嘅集團,呢班玩劏房嘅友仔後面嘅利益集團,一定好精彩,而且涉及一啲退休公務員都唔出奇。

我可以講,如果公眾唔喝止呢啲友仔用呢啲方法搵食,呢啲怪事只會嚟完一單又一單,沒完沒了。

4 thoughts on “教人合法劏房嘅 天地智庫基金會 係乜料

  1. 我就係你口中既仆街!
    唔知係你無知定係太富貴,劏房係80年代尾,90年代頭已經有既野,再前身就係72家房客既板房或梗房,以現時政府收地重建或新發展,公屋數量不足,劏房先有市場!
    香港月入中位數約15000,再基層既只係12000至13000左右,以現時租金,2房1廳租值約8000至10000,若果唔係有劏房存在,叫佢地訓街??
    或者你太幸福,有父蔭或有公屋。但請唔好用你既幸福去cover晒其他人既生存空間,若果唔係有劏房,呢班人訓街?
    再者自工廈火燭,工廈劏房被政府掃蕩,住宅劏房就因此推高租值,呢個就證明供應量減低會影響價格,因為事實上係基層市民住屋需求冇減低過!
    出課程只係想帶出合法建購,等投資者同使用者都有安全環境同回報!

發表迴響

你的電子郵件位址並不會被公開。 必要欄位標記為 *