鄭經翰

鄭經翰 仲係李嘉誠家族嘅老友嗎?

鄭經翰 一直都被視為李嘉誠家族嘅老友,以往, 鄭經翰 同李嘉誠、李澤楷關係密切,呢個亦係公開嘅秘密。只不過, 鄭經翰 同李家啲關係仲係唔係咁好,我睇由1月26日開始,大家應該改變一下。 鄭經翰 依家背後係乜人支持,連我都想知。

now TV嘅報導等於同 鄭經翰 割蓆

以往 now TV同d100之間,係唔係無衝突,又唔係,d100係唔係無主持人鬧錯李家,都有,但一般嚟講, 鄭經翰 可以私底下擺平,就算出律師信,都係做吓樣,最後十之八九不了了之。但呢次係,now TV高調要d100道歉,d100喺facebook度無出道歉聲明,最後就now TV出新聞報導網頁上嘅道歉,跟住商台、熱血呢啲 鄭經翰 嘅仇家隨即跟進,呢樣係唔駛講。

喺呢次事件而論,鬧now TV放假新聞,新聞部梗係做方丈,但now TV新聞部唔係同d100無偈傾。以往 鄭經翰 同老闆關係好,咁私底下道歉兩句,當無事發生,因為算係半個自己人,但依家要公開割蓆成咁,一定李家同 鄭經翰 之間嘅關係,出現咗重大變化,令到李家要採取決絕嘅態度,就係主持人言論過咗火位,都要出新聞出嚟報。

以往 鄭經翰 最大賣點,其實係佢同大孖沙關係好,可以喺大孖沙攞到資源,做啲有啲意義嘅嘢,亦令佢啲內幕料有公信力,畢竟好多香港人都鍾意聽內幕,剝花生。但依家李家搞到要公開同佢割蓆,你覺得佢手上嘅料,仲有幾堅。同埋點解李家要同佢割蓆?點解大家覺得,曾蔭權案少咗個重要證人作供咁。當然我們尊重法庭,曾蔭權案就無謂評論落去嘞。

版權聲明:本文謝絕熱血時報或黃毓民相關人士轉載,本網站非獨家轉載版權計劃,並不適用於熱血時報。

發表迴響

你的電子郵件位址並不會被公開。 必要欄位標記為 *