we撐林鄭

we撐林鄭 招致緊選舉開支 廉署可以唔理?

we撐林鄭 嘅內容肉麻程度之甚,以及厭惡性之高,去到林鄭月娥選舉辦公室都同佢劃清界線,話呢個fan page唔關佢地嘅事,而林鄭月娥有傳要開facebook page,唔係林鄭月娥要親民,而係 we撐林鄭 一類嘅fan page太過惡頂,如果再唔開一個官方fan page,恐怕未出閘,已經俾班五毛倒米倒到出閘脫腳。

只不過, we撐林鄭 所引起嘅法理問題,似乎至係應該政府儘速處理,唔係容忍呢班五毛繼續亂嚟,視香港選舉法律如無物。

we撐林鄭 犯咗乜選舉法律

我再引一次《選舉(舞弊及非法行為)條例》第23條

(1) 任何人如非候選人亦非候選人的選舉開支代理人而在選舉中或在與選舉有關連的情況下招致選舉開支,即屬在選舉中作出非法行為。

依家林鄭月娥團隊否則 we撐林鄭 係佢地支持,即係有人已經喺未經候選人批准下招致選舉開支,咁點解廉政公署唔做嘢呢?

而喺呢度,我順便覆一覆domain嘅問題, carrielam2017.hk 呢個domain,依家有兩個位係同樣觸犯《選舉(舞弊及非法行為)條例》第23條

1. 喺2017年1月6日,林鄭月娥仲係行政長官以外嘅政府僱員,根據《行政長官選舉條例》,她係唔合資格做候選人人士,果陣係唔可以招致任何選舉開支
2. 如果2017年1月16日,林鄭月娥買咗個domain到佢自己,轉埋名,咁樣可以視為一個「純粹商業交易」,咁係吹佢唔漲,正如林鄭月娥如果肯開價俾Michael Mo,佢買carrielam.hk返嚟作選舉之用,只要報番選舉開支都係合法。
3. 問題係,carrlelam2017.hk既無轉名,亦無交易,但繼續用嚟做選舉網站之用,即係證明咗,有人喺不合資格參選期間,招致選舉開支

依家林鄭月娥處理選舉開支嘅手法,可以用烏煙瘴氣嚟形容。咁都唔處理,我睇唔到有天理。

發表迴響

你的電子郵件位址並不會被公開。 必要欄位標記為 *