曾俊華

曾俊華 話廢TSA,先贏一仗

曾俊華 雖然未公布具體政綱,但突然間宣布,如果 曾俊華 當選,會廢除TSA,唔少家長都奔走相告,對比起喺TSA問題上毫無表示嘅林鄭月娥,葉劉淑儀, 曾俊華 呢招先贏一著,至少泛民嘅選委,依家係好有群眾壓力,究竟提唔提名俾 曾俊華 好。

曾俊華 知道中產最關心議題

TSA同吳克儉神憎鬼厭到乜程度,林大輝講如果有人炒咗吳克儉佢,佢會支持果個人做特首,呢個已經好溫和嘅版本,好多中產家長日日對住TSA相關嘅無理操練果陣,對吳克儉嘅態度,我諗有人想買凶處理吳克儉都唔奇果隻,因為TSA根本只係方便吳克儉件人渣殺校之用,實際對學生毫無幫助。吳克儉呢種唔顧學生家長感受,只顧佢自己方便,同可以定時定候去日本玩嘅自私精,香港人一早想除之而後快。而 曾俊華 至少喺呢方面係唔離地,知道呢個議題係要首要解決,所以未出具體政綱都好,已經話佢上台唔會再要TSA或類似嘅物體,反對學生要操練,當林鄭月娥離地離到廁紙都唔識買,被恥笑果陣, 曾俊華 呢個表現係先贏一仗。

當然,林鄭月娥,我好想知道佢會唔會做copycat,話TSA唔存在,最好加碼炒咗吳克儉佢,雖然我睇怕林鄭月娥都無呢個政治判斷力同膽量。至於泛民啲左膠,果啲左膠知道民眾要乜咩,日日發全民退休保障呢啲閉門造車,想玩馬克思果隻財富再分配又唔認嘅春秋大夢。如果有左膠連取消TSA都唔歡迎,我真係想知呢啲左膠,究竟係真心膠,定係暗中收咗水又唔話俾大家知。

至於葉劉淑儀,佢做直選議員都唔知TSA神憎鬼厭,一啲反應都無,返去早抖喇,IT界選委唔見佢,我作為IT界選民,舉腳贊成。我以iT界選民身份,支持iT界選委唔見希師奶。

發表迴響

你的電子郵件位址並不會被公開。 必要欄位標記為 *