香港開埠

香港開埠 (立國) 176年

今日係 香港開埠 係176週年紀念,對我嚟講,香港如果係成為一個Commonwealth Realm,或者獨立, 香港開埠 日應該列為國慶日,而脫離契丹統治果日(我叫自由日),就地位等同香港重光紀念日。點解我咁講,因為無 1月26日水坑日登陸,就無今日嘅香港。

紀念 香港開埠 嘅意義

如果無1841年1月26日英國人上岸經營,喺大清帝國殖民統治下嘅香港,無論香港島定九龍半島,都只不過係荒蕪嘅地方。 香港開埠 後,原本光禿禿一片嘅香港島山頭,英國人至開始大量植樹,令今日香港島嘅郊野地區都有大樹覆蓋。如果無英國人嘅建立同經營,香港只不過係大清帝國一個無名港口,同埋深圳河以南有啲由客家人建立嘅農村村落,僅此而已。所以,紀念 香港開埠 週年,並以列為國慶日,其實係尊重歷史嘅表現。因為無1月26日,無英國人嘅制度,一個荒涼嘅島嶼,就唔可能係同紐約、倫敦齊名嘅大城市。

當然,如果香港成為Commonwealth Realm,或獨立國家,旗幟用唔用1997年契丹侵佔前嘅香港旗,呢個可以討論,因為英國咁樣唔理香港,我明白部分香港人,有澳紐軍團日後澳洲人對英國嘅怨言,呢個亦係點解後來澳洲有唔少地方同英國保持距離嘅原因。可以考慮係將市政局旗,當成國旗使用,一如加拿大楓葉旗,我根據依家香港政府嘅檔案,呢個版本我覺得可以嘅

當然,作為一面獨立或擺脫契丹殖民統治嘅象徵論,代表自由民主嘅舊香港旗,好過無太多政治色彩嘅市政局旗。但如果係作為國旗論,照顧唔同光譜嘅講法嘅話,契丹統治年代都曾使用一段時間嘅市政局旗,可以係最後各方都收貨嘅方案,至少部分大中華膠都未必反對。

One thought on “香港開埠 (立國) 176年

發表迴響

你的電子郵件位址並不會被公開。 必要欄位標記為 *