光榮撤退

光榮撤退 失敗,彭定康指控極嚴重

喺香港立國一百七十六年嘅日子,香港總督彭定康勳爵接受英國BBC本土二台皇牌新聞節目《Newsnight》訪問(香港電台嘅視點31基本上就係學佢),指英國selling its honour on Hong Kong,簡單嚟講, 光榮撤退 已經失敗,唔熟英國文化,英國政治嘅人,未必意識到呢個指控幾嚴重,但熟英國文化同政治嘅人,會意識到 光榮撤退 失敗呢個指控,同埋英國必須為下一代香港人負責任,成個soundbite全部有意思。

光榮撤退 係英國嘅國策

光榮撤退 ,係二次大戰後,英國撤出殖民地嘅目標,否則大英聯邦唔可能維持,簡單嚟講,就係唔想好似澳洲同英國之間因一次大戰喺土耳其膠咗嘅問題,而結下百年心結,或者好似印度、巴基斯坦咁,到今日都係膠。而第一個實施 光榮撤退 嘅殖民地,正係馬來西亞同新加坡。

光榮撤退 失敗,對英國嚟講係好失面子嘅事,所以英國過往對 光榮撤退 失敗嘅狀況,往往係會自己參一腳,好似羅德西亞班白人為咗維持種族隔離政策,擅自獨立,英國人就同羅德西亞白人反檯,直至還權於民為止,所以羅德西亞係罕有咁先歸英,英國人清理咗白人政府啲膠人,再交俾黑人統治,亦即係今日嘅津巴布韋。

點解昂山素姬吓吓都係由英國人幫手,唔係因為昂山素姬老公係英國人,而係英國知道有責任找咗昂山素姬老豆昂山將軍,因英國喺緬甸最後一任總督一時硬膠,扶植班盲毛軍佬,殺咗佢老豆闖下嘅彌天大禍果條數。

依家彭定康喺香港立市177週年紀念日,指控英國 光榮撤退 失敗,彭定康唔係茂利,佢不單係總督,仲係牛津大學校監,同埋上議院貴族,亦係保守黨大佬級人馬。彭定康嘅指控,會唔會最後觸發歸英之路,我唔知,但如果話英國嘅commitment要延續到下一代,關於BNO平權嘅問題,可能因契丹嘅走數,而出現曙光,英國公眾,係唔希望 光榮撤退 失敗呢件事發生。英國人唔係契丹人,係契丹人至會認為,搞出一鑊泡不顧而去都無問題。

而英國同美國不斷希望陳方安生曝光,其實英國同美國,似係有一定計劃,而呢個計劃嘅內容,對熟悉英美政治嘅人,其實唔難估。陳方安生如果日後擔任首相或總督一職,我並不會感到意外。

One thought on “光榮撤退 失敗,彭定康指控極嚴重

  1. 1. 繼續契丹殖民統治, 死路一條 .
    2. 真獨立, 只要想一想, 就知無可能有足夠條件 .
    3. 現時的所謂 “港獨”, 非真獨立, 明眼人一睇, 假貨一堆, 流過流華 .
    4. 現時的所謂 “港獨”, 明眼人一睇, 原來 Make in China ! 世界工廠, 名不虛傳 .
    5. 歸英可能係出路, 但困難重重, 兼且此地之人, 龍蛇混雜, 英國亦會怕辛苦, 未必想攪 .
    6. 歐盟今已成魔, 千方百計要殖民統治全歐, 希望英國做隻 “唯歐盟命是從” 嘅狗 .
    7. 若脫歐不成, 或脫歐太慢, 英國必弱, 弱國歸之亦無用, BNO 平權亦無望 .
    8. 歸英, 前提係要英國有實力, 若果得個名, 等同亡國, 歸英無從說起 .
    9. 此地出路, 現時所見, 關鍵在於英國能及時脫歐先至有希望, 至於契丹因素, 支爆與否, 重要, 但唔係關鍵 .

發表迴響

你的電子郵件位址並不會被公開。 必要欄位標記為 *