警察貪污

警察貪污 問題,香港回到葛柏年代?

警察貪污 問題,一直係香港廉潔問題一個指標,因為 警察貪污 失控嘅話,政府內部無心控制貪污,咁政府內部爛成點大家心照。而喺梁振英年代尾聲,又有 警察貪污 被捕,仲要又涉及港島區嘅賣淫場所問題,

灣仔 成為香港貪污重心?

上次有警司級人員被捕,係2011年,當時灣仔分區指揮官黃冠豪,因為收受火鍋店賄款,以便申請酒牌被捕,之後因公職人員行為失當罪被判監半年,而呢次,吳偉漢涉嫌同一條罪被捕,又係同灣仔有關,呢次係灣仔啲夜總會。

灣仔成為香港貪污重心,除咗因為灣仔分域街、謝斐道、駱克道一帶,涉及大量嘅酒吧、夜總會等業務外,仲要有樣嘢係重要,係對黑幫嚟講,灣仔一帶嘅酒吧同埋賣淫業務利錢,一定比傳統油尖旺豐厚,因為油尖旺唔會做啲契丹企業老闆、ibanker之類豪客,一般香港人有幾可消費得起可卡因之類毒品,但灣仔一帶啲ibanker、甚至契丹國企高層,佢地就會消費得起。灣仔英籍銀行家George Caton涉嫌謀殺印尼女子案,案中有人搜到毒品,大家就明點解灣仔變成咗香港貪污新重心,而唔再係傳統嘅油尖旺。對於犯罪集團嚟講,如果果頭係搵唔到大銀,佢地值得去冒險買通警察。

但當 警察貪污 問題,竟然喺香港市中心如此接近政府管治中心嘅地方發生,仲要呢次涉嫌被捕人士,係參與濠涌爆炸品案一類政治味極濃嘅案件果陣,究竟香港係唔係返到去葛柏年代,甚至有之而無不及,大家應該心中有數。

如果要重振香港廉政聲譽,至少 警察貪污 唔好咁明張目膽,UGL案告唔告係關鍵。曾蔭權案我唔作評論,但UGL案,如果涉及金額成五千萬,但完全唔駛檢控同處理嘅話, 警察貪污 果筆連樓都買唔到嘅金額,點解廉署又要窮追猛打?梁振英一條友,正正打擊緊香港得來不易嘅廉政聲譽。(傳統就講唔上,畢竟香港掃貪成功未及百年)

發表迴響

你的電子郵件位址並不會被公開。 必要欄位標記為 *