香港01

香港01 能否有番少少尊重知識產權概念

香港01 喺黃昏時間,出咗對林鄭月娥website事件膠咗事件嘅報導,只不過, 香港01 嘅處理手法,十分之有頭無尾,究竟有幾有頭無尾,我就quote番頭一段俾大家睇。

已宣佈參選的前政務司司長林鄭月娥,其競選網站今日正式啟動,多張家庭私藏照曝光,打造形象工程,惟網站一開張即被指犯下低級保安漏洞,有可能被人隨意刪減網頁的內容外,更有機會惹來駭客入侵,令網站淪為木馬病毒溫床。

我想問:邊個指林鄭月娥嘅website有問題? 香港01 連source都唔講,跟住

林鄭月娥多次指自己不懂操作社交媒體,所以一直未有設立Facebook帳戶,亦是唯一一位參選人未有藉社交媒體作宣傳,直到今日競選網頁正式啟動,一口氣展示多張生活照、對香港的願景等資料。不過,網站啟動不足一日,就被人發現保安漏洞,隨時引發新一場「關公災難」。

我想問 香港01 究竟係乜保安漏洞?可唔可以講吓。

點解 香港01 要寫段咁無頭無尾嘅報導,因為呢度係有版權協議,係唔容許不問自取,乜都唔俾係咁抄,但又唔想俾版權費用,結果就叫啲記者,東斬西斬,抄到成咁都咪話唔核突。而直至現階段為止,林鄭月娥網站有問題呢單嘢,都係我嘅獨家報導嚟。無錯你追咗反應,但讀者完全唔知乜事,呢啲係乜新聞報導嚟。

香港01 或其他機構可以咁買轉載權

其實我好明白依家各大網站做即時新聞嘅壓力,但好似主場新聞咁,想作者無償幫你網站做嘢,呢樣簡直係荒謬而且唔尊重人。我依家會簡化成個版權出售程序,成個程序係咁

1. 只限非獨家轉載(你要攞獨家就真係唔該傾傾)

2. 不得隨便對文字作大幅增刪,以唔影響原意為準

3. 要附出處

4. 先付款,後登記原則

俾咗錢後,再填以下表格

[sform id=’10926′]

如果唔用Paypal,又用信用卡,喺呢度,每份一舊水

如果用Paypal,就呢條link: paypal.me/martinoei/100

填好後,我會寄奉一份版權證明書,好好keep住,恕不補發

我希望大家尊重知識產權,但亦唔想大家麻煩,在商言商。甚至我唔介意大榴槤買,但必須要俾錢,唔俾錢想攞嚟賺廣告,呢樣我接受唔到。

發表迴響

你的電子郵件位址並不會被公開。 必要欄位標記為 *