Duraplug

如何買到 Duraplug 拖板

Duraplug 拖板雖然大家知道係好嘢,但香港依家極難買,我曾經走訪過有賣MK Electric產品嘅鋪頭,一般唔賣Duraplug拖板,有兩個原因

1. 貴,佢地認為無幾多師傅用得起

2. MK Electric嘅母公司Honeywell,將Honeywell嘅品牌俾Olympia用喺拖板產品,而Honeywell唔可以推出與之競爭產品,所以極少鋪頭會賣Duraplug,咁如果香港人要買 Duraplug 拖板,可以點算?

香港人買 Duraplug 拖板嘅方法

其實香港唔係完全買唔到 Duraplug 拖板,只不過,你唔可能好似買德國拖板咁樣,可以喺正常返工時間喺商場買得到,簡單嚟講,你需要等一下,至會收到你要嘅拖板,而且唔係講一兩日:

1. 去上環蘇杭街、永樂街一帶啲老牌電氣元件行,有賣MK Electric產品果啲,同你問代理訂,但唔會立即攞到貨,要幾日時間,而價位幾舊水,而且好多唔肯幫你做,嫌麻煩

2. 喺英國啲賣電器配件批發網站訂,再經集運公司運返香港,運費你預六十至八十元港幣,而拖板價錢介乎四十英鎊至五十英鎊,接近五舊水,但你有機會買到英國本土製造嘅版本,視乎型號同存貨。

如果大家要搵果陣,要搵型號EXL135, EXL136或EXL137,咁樣你就好容易搵到,同埋Amamzon.co.uk價位偏貴,兼且好多公司係唔願意運來香港,所以你仍然要有英國地址。當然你搵親友幫手都得。

以上方法,可以同樣適用買其他英國牌子拖板。

One thought on “如何買到 Duraplug 拖板

發表迴響

你的電子郵件位址並不會被公開。 必要欄位標記為 *