助紂為虐嘅「業界代表」

由香港電腦商會搞嘅香港電腦通訊展,明知打九號風球都照叫人返工,完全拎IT界基層利益嚟靠飛,人人聽完之後都覺得黐孖筋。

不過discuss有條友,明顯係砌機佬出身,話譚偉豪同香港電腦商會喺淫照案期間夾個搞咗份出賣基層利益嘅文件,我就記得《電腦服務維修自願性約章計劃》,一個膠到無朋友嘅計劃。

喺淫照案期間,譚偉豪搞咗個資訊科技聯盟,呢個計劃表面上要保障用戶,唔好好似淫照案咁,送部電腦修理,就乜私隱都漏晒出嚟,但大家留意吓份約章文件最後三頁。
電腦服務維修自願性約章計劃

客戶係同個別職員簽呢份約章,唔係同公司簽份約章,一旦有事,你估法律上嘅民事責任去晒邊度?最大鑊係,今年三月出嚟sell呢份嘢,正係譚偉豪。
香港互聯網專業人員協會新聞稿

換言之,香港電腦商會做埋晒啲唔理前線工作者嘅嘢,你估譚生撐邊一邊,真係前線被人賣咗都唔知。互聯網專業人員協會,喺呢件事上助紂為虐,我直頭無眼睇。

你係前線人員,你敢投佢?真係分分鐘要九號風球,甚至十號風球返工,你制唔制,你自己諗。

2 thoughts on “助紂為虐嘅「業界代表」

發表迴響

你的電子郵件位址並不會被公開。 必要欄位標記為 *