apa酒店

APA酒店 事件:對日本人嚟講,唔要契丹遊客係解放

APA酒店 裡面有日本右翼嘅書俾人睇,有契丹人依家至發現,跟住契丹政府話要杯葛 APA酒店 ,跟住好多香港人,甚至日本人,都認為呢班契丹遊客唔幫襯 APA酒店 ,係一天都光晒,話雖 APA酒店 CEO根本無講過唔招待契丹人言論(果啲係台灣content farm造假嘅結果)

點解契丹人唔住 APA酒店 係解放,因為 APA酒店 本來唔係做遊客生意。

APA酒店 係俾日本人住嘅商務酒店

喺Expedia一類網站未普及之前,香港人其實少訂到 APA酒店 ,因為呢類酒店係叫商務酒店,通常係一個麻甩佬,去第二個城市公幹,無乜行李(所以間房嘅設計唔預你血拼),可能因居酒屋應酬飲咗兩杯,或因合約條款深宵大戰為理由,變咗終電難民,然後walk-in入去,或者經ANA、樂天等系統訂嘅平價酒店,所以以前,好似我呢啲成日去日本公幹嘅人,係唔會訂要成千銀果啲劏遊客酒店,因為公幹唔係住 APA酒店 ,就係相類定位嘅酒店。係呢幾年,契丹遊客湧入,加入 Expedia Group 大肆游說呢啲商務酒店集團接受訂房,至搞到依家連 APA酒店 都收外國人柯打。喺契丹國慶果啲時間,一房難求搞到「終電難民」堅要瞓街,好多人一早怨聲載道,因為呢啲酒店本來唔係咁用,依家契丹人搞杯葛,日本人都唔知幾多謝你班友。

當然,呢件事隨時係契丹自己乘機炒作,因為好多契丹人去日本,係旅遊定走錢,大家心照,因為日本房地產長期低迷,加上日本銀行法例過嚴,造成大量現金交易仍然存在,所以好適合契丹人用嚟走錢嘅地方。要阻截走資,係唔駛呢啲膠招。

發表迴響

你的電子郵件位址並不會被公開。 必要欄位標記為 *