假新聞

假新聞 同內容農場遲早危害民主制度

假新聞 危害民主制度,成為露西亞人搞亂西方嘅工具,喺特朗普當選後,引起西方國家警覺。依家歐盟已經警告,小心俄國人利用 假新聞 網站,影響德國、荷蘭同法國明年舉行嘅大選。

假新聞 賤招何以橫行歐美

其實西方人之所以對 假新聞 攻勢缺乏免疫力,除咗因為西方國家承平已久,以及唔少西方國家嘅平民,平日都唔多睇新聞之外,另一點亦好重要,俄羅斯係近年至認真玩起五毛黨呢樣嘢,而且以高度專業嘅技術能力,去玩五毛呢樣嘢,所以西方國家一面對高度冷靜同專業嘅KGB普京,就完全缺乏回應能力(露西亞人亂搞Google Analytics,竟然係Google Analytics玩spamming,我已經想打人,所以我近排至決心改用Google Tag Manager,因為俄佬未搞得通Google Tag Manager嘅技術細節)。

但香港等華人地區,好早已經面對親共媒體同五毛黨嘅假新聞,由旺旺中時集團、聯合報業,到香港嘅文匯報、大公報,甚至星島日報,或者資本壹週呢啲膠傳媒,邊個唔喺度報 假新聞 ,呢啲中共編造事實嘅玩法,同馬共當年對付李光耀果套其實好似,而且錯漏百出,所以大家嘅警覺性好強嘅,所以 假新聞 如果要影響香港或台灣嘅選舉,未必咁容易,因為長期有人玩假,令網上長期有人一路做Fact Check,至少我呢度已經做呢樣嘢。

甚至我呢度,係己經主動調查由Google發現一啲做緊SEO,又未上位嘅 假新聞 或五毛網站。明早我會公布其中一個五毛網站,新發現嘅,大家可以密切留意呢度。

發表迴響

你的電子郵件位址並不會被公開。 必要欄位標記為 *