改良版TSA

改良版TSA :教育局始終係迫人去考

改良版TSA 學生有無得揀唔去考,其實都係校方決定,只不過,教育局局長吳克儉話, 改良版TSA 去唔去考,決定權聲稱留番俾各學校校長云云,聲稱教育局並無迫人去考 改良版TSA ,雖然又強調各學校有責任就 改良版TSA 作出貢獻。

改良版TSA 同殺校有關,有得唔考咩?

我唔理係原裝TSA,定「 改良版TSA 」,成個TSA問題嘅核心,係教育局堅持要殺校,唔肯搞小班教育,但又唔肯源頭減人,修改《基本法》杜絕雙非,學校為咗生存,可以選擇唔考「 改良版TSA 」咩,結果就係果啲一等名校,因為永遠都有大把家長爭住入,所以呢啲頂級名校,唔好話TSA,係連你吳克儉支笛都唔駛聽都得,反正呢啲頂級名校嘅學校,最後都唔會玩香港教育制度呢個荒謬遊戲。而果啲為基層市民,或中產市民服務嘅政府津貼學校,就因為要繼續生存緣故,要侷玩TSA呢個變態遊戲,所以吳克儉呢個人渣,唔好講到去唔去考TSA,啲學校係有得揀。無論考唔考TSA,定香港市民用唔用公帑養你吳克儉呢個人渣中嘅人渣,都係根本無得揀。

所以,唔單只作為家長要罷考TSA,其實為咗香港人子女長遠著想,一方面要質問特首候選人,究竟吳克儉呢個變態佬有無得留低,另一方面,如果吳克儉呢個變態佬仍然可能留低嘅話,香港家長係需要將抗爭手段升級,而抗爭手段包括令到吳克儉根本壓力大到連工都唔想返,早日自己辭職算數。當然,以吳克儉嘅面皮厚度,要玩到吳克儉唔想再返工,一定要發揮高度法蘭西口味嘅創意。但為咗下一代著想,吳克儉係一定要趕出政府。而做呢樣嘢,係唔可以依靠越嚟越軟弱嘅教協,一定要家長自己嚟。

發表迴響

你的電子郵件位址並不會被公開。 必要欄位標記為 *